影片
更多
2019-02-07
4952 浏览
食怀旧经典嘅中菜相信唔少人都推荐呢间凤城酒家，不过佢好多分店，今次我试呢间北角嘅分店就非常之满意啦😝事关吃货最近转新工的关系，一行十几个同事们farewell我的那餐饭就是在这𥚃，因我想食中菜，要选择一间坐得多人，味道又好食嘅，有朋友就建议去这间北角嘅凤城酒家的分店。环境就不用多说都系传统旧式嘅酒家嘅类型，果晚刚好遇上留俾我地张大枱旁有间开俾人打麻雀超爆嘈🙄好彩安排到调枱，唔系成晚都唔使倾计。𠮶日放工一行十几人，大家都好肚饿，见到乜系唔系都点晒先😂一共点左10几个𩠌，每个都好似比色香味俱全啵！锅贴虾多士真系好惊艳!因为我之前未食过，但系朋友已经大力推荐一定要食，就咁睇似系一块块炸多士，咬落去就知道真系功夫菜，佢张手打嘅虾胶让入面包，再慢慢去半煎炸到金黄色，虾胶非常弹牙有虾味，而多士一啲都唔觉得油益，食一件真系唔够喉!我可以食一打🐷😋😝家乡煎藕饼又系另一正嘢，藕饼煎得够干身食，又到粒粒莲藕，爽口！海皇一品煲同埋鸭掌煲都正正常常，我哋嗌左十几度𩠌，有正嘢就梗有啲𩠌系一般㗎啦，大良炒鲜奶就一般，似炒蛋白又似牛奶，口感同味道都一般，最后我怀疑我哋嗌错左，我地应该系想点大良炸鲜奶，一旧旧果啲，下
食怀旧经典嘅中菜相信唔少人都推荐呢间凤城酒家，不过佢好多分店，今次我试呢间北角嘅分店就非常之满意啦😝
事关吃货最近转新工的关系，一行十几个同事们farewell我的那餐饭就是在这𥚃，因我想食中菜，要选择一间坐得多人，味道又好食嘅，有朋友就建议去这间北角嘅凤城酒家的分店。
环境就不用多说都系传统旧式嘅酒家嘅类型，果晚刚好遇上留俾我地张大枱旁有间开俾人打麻雀超爆嘈🙄好彩安排到调枱，唔系成晚都唔使倾计。
𠮶日放工一行十几人，大家都好肚饿，见到乜系唔系都点晒先😂一共点左10几个𩠌，每个都好似比色香味俱全啵！
锅贴虾多士真系好惊艳!因为我之前未食过，但系朋友已经大力推荐一定要食，就咁睇似系一块块炸多士，咬落去就知道真系功夫菜，佢张手打嘅虾胶让入面包，再慢慢去半煎炸到金黄色，虾胶非常弹牙有虾味，而多士一啲都唔觉得油益，食一件真系唔够喉!我可以食一打🐷😋😝
家乡煎藕饼又系另一正嘢，藕饼煎得够干身食，又到粒粒莲藕，爽口！
海皇一品煲同埋鸭掌煲都正正常常，
我哋嗌左十几度𩠌，有正嘢就梗有啲𩠌系一般㗎啦，大良炒鲜奶就一般，似炒蛋白又似牛奶，口感同味道都一般，最后我怀疑我哋嗌错左，我地应该系想点大良炸鲜奶，一旧旧果啲，下次再嗌过。
生炒糯米饭啲饭好烂，似系蒸过咗龙，而且味道都系一般，系冇乜材料嘅情况之下咁都收$160真系几贵。
家乡小炒王同我想像中嘅小炒王有啲出入，佢系用芥兰心去炒一啲肉粒，坚系普普通通又收你$160。
香橙猪扒就摆盘都几靓，旁边围满香橙🍊不过份量唔系好多，啲猪扒我就觉得还好少少干不够juicy，橙味都唔系话好突出，印象不深刻。
生菜包同我地一般食开嘅都有啲唔同，佢用肉碎同埋菇类做馅，食落都几清新嘅
如果要拣两道必食嘅𩠌，炸子鸡同埋西米布甸系我全晚推介嘅！脆皮炸子鸡真系无敌一定要食，去啲皮脆内嫩，连鸡胸都系滑㗎！真心考功夫！咁大只够枱人食佢先至$280咋，比起其他𩠌算系好抵。
焗西米莲蓉布甸网上好多人都话要食！我哋叫咗一大一细，入口甜而不腻，有奶黄只香甜同埋莲蓉嘅嘅清香！正呀喂！呢道即使食到饱饱都仲要食啊！
感谢同事们热情的farewell，喺度工作学到好多嘢，尤其是同事们都好好！大家都要好好保重！🙏🏻😋
______________________________
店名：凤城酒家 (北角)
环境🏝：6/10
服务💁🏼♀️：7/10
价钱💰：7/10
食物质素🍝：8.5/10
整体🙆🏻♂️：7.6/10
地址:
北角渣华道62-68号高发大厦地下及1楼
张贴
