Brass Spoon

营业中

休息中

好耐之前就bookmarked左Brass Spoon✏️，不过餐厅位置好吊脚，要行大斜路上黎！今日有揸车就上黎试下呢间连续拎左六年米芝莲推介既餐厅！落雨天☔️都要等几张枱，有唔少都系游客，相信好多人都系慕名而来，等左十五分钟终于有得坐低！🐄生牛肉河粉汤头用上大量牛骨熬煮，饮落鲜甜顺口，拣左要牛油都唔会腻口！但河粉同牛肉比较平平无奇，无乜记忆点🫣。牛肉肉质同份量以呢个价位黎讲合理，都算浓郁同鲜嫩，但食完觉得只系一般中上越式餐厅既水准，贵为米芝莲推荐应该更加出色！🥢香茅鸡檬捞檬出乎我意料之外咁好食🤤檬粉同一般越南餐厅供应既唔同，比较似幼身米线，有咬口又唔会过韧，条条煮至分明唔会痴埋一饼！鸡肉微微烧过，嫩滑够味，有好多种配菜，青瓜丝，腌萝卜丝，芽菜，芫荽同有如虎添翼之效果既炸蒜片🧅配菜加配店铺自家制既捞汁再加上弹牙檬粉，口感极为丰富！捞檬简直系超班马，再食的话会试埋其他檬粉🥰📍Brass Spoon湾仔月街1号地下B号舖