彤 (已結業)

今日系同老公仔拍拖周年纪念，佢带我黎位于尖沙咀既日本omakase 餐厅。☺️餐厅位置位于尖东站B2出口，位置非常便利。👍🏻第一道菜系千叶原产平目鱼,中间配搭左啲芽葱，食落后两个口感，都几得意，鱼身仲配搭左啲辣椒萝卜蓉同加咗啲柚子味嘅汁，酸酸甜甜非常开胃呀！子持鲇鱼原条盐烧好既鲇鱼，都keep到鲜甜味好好味！😍咬落仲要有好多鱼春爆出黎，真系好有惊喜👍🏻绝对推介！吞拿鱼酱油渍寿司第二道菜就有呢个吞拿鱼酱油寿司，师傅用咗赤身嘅中拖罗整，外面仲包住左紫苏叶，口感马上提升！另外仲有萝卜同大葱，口感都几有日本风味㗎！大蚬面豉汤仲有我哋order左呢个大蚬面豉汤，d蚬大大只好鲜甜，个汤好浓好香，又唔会太咸 ♥️超正👍🏻👍🏻整体来讲依间餐厅环境非常舒适 员工服务非常周到，下次有机会一定会返嚟再食！