富華冰室 (碧街)

营业中

休息中

原来油麻地开咗间咁嘅餐厅，地铁站出嚟冇几耐，再见到有好多建筑工人入嚟，水泄不通😯而且装修都几靓，入嚟试吓。睇完个餐牌有好多个选择，不过最后拣过简单嘅选择，沙嗲牛肉公仔面餐🤪不过北海道牛乳炒蛋份量有啲小，不过味道都几好，蛋味香浓。面包系有椰丝喺上面，不过就冇烘底，个人比较钟意多士。😗不过朋友提一提我，有可能佢嘅设计系想将个餐包斩开一半，然之后将鸡蛋以及火腿塞入去，成个好似汉堡包咁样食🙀，有啲咁嘅事，下次试吓😛公仔面有条生菜喺上面，几得意。生菜其实本身都几新鲜。公仔面唔错，煮得啱啱好。牛肉几淋，汤浓不过可能有少少咸😛奶茶几好饮，系茶记冰室嘅水准😋总括而言，可以重新再嚟多次试吓其他食物😁