YakiniKuu Japanese Bbq (已搬遷) 新店位置

老公生日lunch就食咗台式料理, 晚饭我俩就去咗一间位于中上环日式烧肉店「YankiniKuu Japanese BBQ」。今次拣烤肉店完全为咗满足"食肉兽"嘅老公, 平时屋企尽量少肉多菜, 见佢生日就畀佢食尽啲。上网见中上环有几间日式烧肉店, 最后拣咗YankiniKuu系因为价钱及评价都唔错, 所以就走去试试。我地好早去到, 初初得两三枱人, 心谂中伏? 原来七点后陆续多人, 而且满座。既然老公生日, 就豪少少, 叫咗精选晚餐食Kuu Omakase,套餐都几丰富, 包括:1) 季节沙律2) 是日精选牛扒3) 上等和牛寿喜烧4) 牛舌(薄切)5) 特选牛肉5款6) 是日厨师推介7) 和风牛肉乌冬8) 牛肉寿司9) 鸡腿肉及猪腩肉10) 附上前菜、餐汤、白饭丶蔬菜条及Menu虽然每种肉只有两至四片,但当食完成个餐真系好饱好满足。讲返啲肉, 其实waiter介绍完我都唔太记得边款打边款, 但大部分都好有牛肉味, 好嫰滑, 好稔。只觉有一款牛的肉味唔够浓, 但整体好好味! 若追求好似神户牛果啲雪花肥美的人士, 可能未能满足。由于我好怕果种油腻感, 所以呢度嘅牛啱我喂口。牛舌薄切亦好正!