滾爺火鍋 (上海街)

营业中

休息中

见近排天气冻冰冰，就谂起打边炉😍😍记得上次朋友介绍喺旺角一间打边炉餐厅，话好好味！一于就去试试啦！😋😋🥬芫荽皮蛋汤底 （$138）我哋两个都好钟意食芫荽皮蛋汤，今次个汤底十分足料同芫荽味十分浓味，钟意食芫荽嘅朋友就唔好错过啦！🥩美国安格斯牛肉（$188）呢个安格斯牛肉一摆上枱就惊为天人，仙气弥漫，牛味浓郁，肉质嫩口，食到停唔到口😋🐟鱼皮饺 ($48）8粒鱼味浓，皮薄馅靓🥬手包韭菜饺 ($60) 6粒手包韭菜饺果然不同，皮薄馅多，大大粒🫔即炸紫菜响铃 ($68)打边炉必备当然系炸响铃，呢间舖头系即炸响铃，响铃连同芫荽汤嘅汁，摆入口果然系人间美美😍😍🥩芝士牛丸（$78) 8粒芝士牛丸好好味，大家嚟到一定要叫，牛丸弹牙内里系大量芝士，食到仲要焫亲条脷🤣其他嘢食就唔作太多介绍啦，我哋仲嗌咗唐生菜金菇菜同埋赞岐乌冬。另外我哋仲嗌咗两杯嘢饮，一支系青岛啤酒打边炉必备，另一个系原只泰国椰青，清甜多水。另外都想赞一赞职员嘅服务态度，佢哋会好积极同你推荐食物同加汤，食得开心又满足。☻味道：9/10☻环境：7.5/10☻服务：7.5/10☻价钱：7.5/10☻回头率：90%☻人均消费：$400📍 滚爷火锅