酒鍋 (V Point) (已結業)

9 0 后 的 味 蕾Bookmark左好耐既餐厅，因为佢可以对住维港view打边炉，啱晒两个钟意既我😝.今次试咗个美人锅底，汤料好足，有花胶、鸡件、猪肚，花胶都几厚口、又有胶质，充满口感，唔系好薄个啲，鸡件都好滑身，汤底就饮到胡椒味。.上菜方式非常特别，一个圆形嘅木造围边，放满各式各样嘅食材，一放上枱啱啱好套住锅底，侍应随即喺放两粒干冰落个汤到，白雪雪嘅烟即时冒出，画面非常靓，不过如果想同佢影相，一定要把握时机📸.安格斯牛肉黑毛猪肉摆得成朵玫瑰花咁，好靓，最重要系无论系猪肉定牛肉，肉香味都好浓郁，特别欣赏黑毛猪，口感系做到好似牛一样，好软绵。.饺子全部都系自家制嘅馅料，最钟意系黑松露虾饺、仲有韭菜饺，两只味道都好浓郁，而且饺子皮都唔会好厚！.想要一个chill chill 地嘅环境打边炉，食到高质肉，呢度会系你嘅选择。