百味川 (已結業)

间中都会同朋友到葵广揾食，今晚经过一间叫百味川的面食店，见佢啲面食同埋小食都好似几有特色，就被吸引左入去😋虽然佢店面细细，估唔到又有惊喜㖞！其实最吸引我嘅系酸菜鱼米线（$56）🍜因为平时好少机会食到，所以我立即点左一碗，另外朋友点左一碗猪膶牛肉鲜茄面（$47），我哋见佢有淮山面特登拣咗淮山面底！佢仲有好多小食，我哋拣咗蒜泥皮蛋（$29），拍青瓜（$24）同埋口水鸡翼（$26）。大概10分钟食物就上齐，我急不及待要试酸菜鱼米线，哇～个汤真系好鲜鱼味😋👍，而且啲酸菜味道更融入咗啲汤同埋米线当中，真系无违和感，唔会因为米线缘故令汤底变淡，鱼肉方面佢虽然系用鲶鱼柳，但胜在无骨而且肉质鲜嫩，配上酸菜嘅味道即刻令到鱼肉加分不少😋👍另一碗猪膶鲜牛肉鲜茄面同样出色，牛肉猪润都系煮得啱啱好，唔会太熟有柴感觉，都可以保持鲜嫩这是最难做到的👍蕃茄汤底酸酸甜甜非常浓郁，淮山面既爽口又软滑更非常挂汤！两碗我哋都食个清光，连汤都饮晒！正呀喂😂👍除咗面食出色，想不到佢嘅小食都一样咁好味！蒜泥皮蛋一上枱已经好吸睛，糖心皮蛋排得工整好靓，中间有一大堆蒜泥，无论辣道同埋味道都好有四川风味！呢个真心好味！想用来捞面😂👍口水