啡寮 (已結業)

周末去左长洲一日游，行完山之后好口渴，朋友介绍左依间主打冰滴咖啡嘅小店饮杯咖啡凉吓冷气。啡寮嘅设计偏工业风，最打卡嘅一定系门口一排嘅冰滴器具，非常有特色。正所谓慢工出细货，Iced Dripped Coffee需滴漏6-8小时，萃取嘅咖啡精华仲要再冰酿发酵多1-2日，其费时嘅萃取过程，加上甘甜香醇嘅绝佳风味，都造就左其身价不凡嘅原因，十分值得一试！菠萝冰滴咖啡🍍$48菠萝味好出，一入口会觉得好似饮紧菠萝汁，慢慢品尝后，咖啡嘅香醇就会出返嚟，整体感觉好fresh，口感甘甜，冇咖啡𠮶阵苦味或酸味，呈现返咖啡最佳嘅原味，本身唔钟意饮咖啡嘅朋友仔都可以试吓😉椰皇冰滴咖啡🥥 $58朋友嗌左依杯好有特色嘅椰皇冰滴咖啡，原个椰皇即叫即开够晒新鲜，朋友话整体味道清甜，夏天饮消暑一流👍🏻海盐朱古力🍫 $42依杯味道比较普通，个人觉得有啲淡，都系饮返咖啡会比较有惊喜😂