藍山咖啡專門店

营业中

休息中

【 蓝山咖啡 】知道有呢间铺头，系因为俾个店名吸引咗。入到去，睇埋menu，个感觉就即刻觉得风格同西湾河一间咖啡店几乎一样，有好多好多款嘅咖啡，而且好平好平，系走最平民化嘅路线。即使系最贵嘅蓝山咖啡，价钱都系同老M差唔多。真系平到令我怀疑系咪真系饮紧蓝山咖啡？一杯100%牙买加蓝山咖啡，我估可能会贵x3倍价钱。唔知点解可以卖到咁平，仲好似用虹笈嚟冲。但既然佢店名话明系蓝山咖啡「专门店」，都要信佢喇。就算只系仿蓝山豆，杯啡确系比一般斋啡texture「实」少少，佢呢个价钱已值回票价，冇得再有多要求及投诉。总之，用个脑谂住「蓝山」嚟饮，呢杯就系蓝山咖啡。呢度好明显就系卖人情味，街坊化嘅餐厅气氛。叹杯蓝山咖啡，叫碟港式西多士，成件事真系街坊价钱高质素思维享受。