京日本料理 (已結業)

迷人uncle与美人姐姐每年都会最少去一次日本旅行，明显地对日本美食非常爱好 。二人工作时间唔定时，喺香港o既时候绝大部份时间都系外出用膳，亦会乘机四周找寻高质抵食o既和食料理，每每有新发现，更会第一时间与肥肥家族分享！今次o既好介绍系一家位于西环o既「京日本料理 Kyo Japanese」。自港鐡西港岛线正式通车后，由湾仔去坚尼地城十五分钟有找，劲方便！新地鐡站果然光鲜过人，前往C出口时，见到个被切开两边o既鐡苹果艺术品，结果都忍唔住影咗两幅相 。「京」离地鐡站步行只需三分钟，啡色o既门面并不起眼，墙上用灯暗射o既招牌只印有店子o既英文名称「Kyo Japanese」，神秘低调，幸好手持地图咭片，总算唔系太难揾。食店室内灯光暗淡，装修同门面一样简单朴素，只有中央o既寿司吧及两位师傅身处o既开放式厨房有灯照明，焦点舞台所在 ，极之明确。当晚派对九人，刚好坐满寿司吧，虽然旁边有两张散枱，但其他食客都拣喺私人房间进食，我地就好似包场咁，尤其舒适。迷人uncle宴客，由美人姐姐打点，务求要试尽即日送到o既新鲜食材，一早更预订「厨师发办」，非常盛设 ！唔知系咪熟客o既关系呢，除咗年轻有