影片
更多
2022-12-14
1537 浏览
今日过到嚟长沙湾同亲友交收，加上行程紧密未有时间食午餐，晚上又有小组聚会，所以，路过呢间「时代冰室」，趁机食番个超级下午茶餐，当喺一餐顶两餐。「时代冰室」试过太子店而已，当时感觉喺食物唔错，但环境麻麻，好挤逼，招呼差，近乎催客埋单。不过，今次嚟长沙湾店感觉完全相反，地方大之余，啲卡位都舒服好多，而且，招呼我位哥仔几有礼貌添。呢个时间嚟，目标就梗喺下午茶餐啦，一个餐牌仔睇晒，由H1到H14，平有平食，贵有贵食，最弹性喺有几款追加项目俾多个选择你。另外，仲有一啲特色心太软西多士餐，钟意食西多士，又喜欢试新嘢嘅客人就啱晒啦。此外，佢哋仲有一系到新鲜出炉嘅烘焙产品，定价都喺好似出面啲面包铺咁上下，就算唔晌度即场试，亦不妨外买请屋企人。餐具、调味料全部都喺放晒晌枱侧嘅抽柜中，呢种已喺茶记嘅常规设定。巨人蛋治配皇牌鸡脾 $42平常茶记啲炸脾一喺配沙律，一喺配薯条，呢个配蛋治，唔喺普通蛋治，喺「巨人」份量，即喺大份啲，的确，啲炒蛋喺叠到几厚身，可以讲喺一次食咗两个茶餐咁滞。虽然睇落件蛋治好似得半份，但用上厚身软熟嘅方包，所以，都有一份蛋治嘅「包量」；而鸡蛋估计都用上两只，因为咬落好厚蛋，蛋味亦几香，
「时代冰室」试过太子店而已，当时感觉喺食物唔错，但环境麻麻，好挤逼，招呼差，近乎催客埋单。不过，今次嚟长沙湾店感觉完全相反，地方大之余，啲卡位都舒服好多，而且，招呼我位哥仔几有礼貌添。
呢个时间嚟，目标就梗喺下午茶餐啦，一个餐牌仔睇晒，由H1到H14，平有平食，贵有贵食，最弹性喺有几款追加项目俾多个选择你。
另外，仲有一啲特色心太软西多士餐，钟意食西多士，又喜欢试新嘢嘅客人就啱晒啦。
此外，佢哋仲有一系到新鲜出炉嘅烘焙产品，定价都喺好似出面啲面包铺咁上下，就算唔晌度即场试，亦不妨外买请屋企人。
餐具、调味料全部都喺放晒晌枱侧嘅抽柜中，呢种已喺茶记嘅常规设定。
巨人蛋治配皇牌鸡脾 $42平常茶记啲炸脾一喺配沙律，一喺配薯条，呢个配蛋治，唔喺普通蛋治，喺「巨人」份量，即喺大份啲，的确，啲炒蛋喺叠到几厚身，可以讲喺一次食咗两个茶餐咁滞。
虽然睇落件蛋治好似得半份，但用上厚身软熟嘅方包，所以，都有一份蛋治嘅「包量」；而鸡蛋估计都用上两只，因为咬落好厚蛋，蛋味亦几香，当然，炒滑少少就更好啦，老实讲，惊喜就无架喇，但稳稳阵阵咁啦。
只皇牌鸡脾斤两十足，好大只，好厚肉，拎上手就知好有份量，好坠手，但最紧要喺炸得靓仔，佢哋啲脾睇落似喺先卤后炸咁，色泽较深，炸得啱啱好，咬落外皮非常脆口，带有焦脆感，肉质嫩滑，富肉汁，又唔油㖞，更无炸㶶嘅问题。
嚟到茶记，热奶茶喺必然之选，茶色睇落都对办，而入口茶底都算得好幽香，茶奶比例亦OK，口感就未见好细滑，所以，唔算高质，又未算差，只可以讲喺中中等等而已。 
今次对比上次晌太子分店食午饭，感觉好好多，可能无咁多人，招呼都可以做好少少。加上今次拣咗个丰富下午茶，食得满足，心情自然又好啲。
张贴
