隨心 (已搬遷) 新店位置

做人可以随性，做事可以随心。但食野就唔可以咁随便，一定要食得够精，呢间新加坡菜「随心」绝对系新加坡菜既表表者，或者按自己喜好随心发板，可能有另一种惊喜？👇📌喇 沙 -▪ 泰 式 鱼 饼 喇 沙 - $75▫ 喇沙系呢到必食之一，佢既选择都几多，最后拣左泰式鱼饼。鱼饼同出边好唔同，鱼肉食落软绵得黎又够爽弹；而喇沙椰香味突出，加埋蛋、豆卜、芽菜，整体浓香而不腻，唔错。📌饭 类 -▪ 随 心 无 骨 海 南 鸡 饭 - $85▫ 话明招牌菜，无理由唔试佢地既海南鸡饭既，每块鸡肉就咁睇卖相金黄油光十足，而且肥瘦比例亦岩岩好，食落滑溜得黎又唔会太重油腻感，配搭三款酱汁包括黑酱油、姜蓉、辣椒酱一齐食，份外惹味；而油饭软硬度适中，饭香一流。📌小 食 - ▪ 沙 嗲 串 烧 - $68/6串▫ 嗌埋个沙嗲串烧就紧咖啦，一款两串，分别鸡肉同猪肉，食落肉质嫩滑爽弹，烧得浓香惹味；配搭旁边特制沙嗲酱，带少少花生碎粒，辣得黎又甜甜地，几好食。