影片
更多
2020-02-14
80 浏览
「佢家下黄色衫，又变返著绿色衫。」做饮食业呢行最讲求既灵活变化，好简单架姐，即飘移咁。一入弯，拉一拉手掣，架车bei一bei咁，咁又点呀，型啰！好似呢间台湾过江龙「KiKi面店」将传统台菜脱胎换骨，注入新派文青元素。环境睇落简约朴素，木系风格令人坐得特别舒服。而品牌旗下连茶叶、食材大部份都系台湾直送，绝对系诚意之作。👇📌情人月限定二人套餐 - $314 (一生一世价) ▪ 马来椰香鲜鸡浓汤面 -▫ 由餐厅最新推出既特色主题情人节套餐，无论你系单身狗定系正日庆祝唔到，仲有成个2月一样可以试到。而呢个马来椰香，净系卖相都觉得好幸福，铺满哂系面条上面既黄油鸡，经过鸡汤熬制，味道食起上黎相当浓厚。面条唔会太粗身，有咬口之余配搭附送既香料捞埋一齐食，又几惹味wor！▪ 珍珠带子鲜虾红菜头海鲜汤面 -▫ 情人节最紧要系咩呀？系玫瑰呀！我相信系无女仔抗拒收到玫瑰。好似呢碗用左大量红菜头既海鲜汤面，成碗面以玫瑰红做主题。汤底睇落红当当之余，再加埋一粒粒珍珠带子、原只大虾，食材够新鲜配上浪漫感觉，衬到绝！▪ 草莓雪绒白桃乌龙 -▫ 适逢情人节推出既Menu，以草莓做主题既奶盖，配搭淡淡清香既Ki
一入弯，拉一拉手掣，架车bei一bei咁，咁又点呀，型啰！好似呢间台湾过江龙「KiKi面店」
将传统台菜脱胎换骨，注入新派文青元素。环境睇落简约朴素，木系风格令人坐得特别舒服。
而品牌旗下连茶叶、食材大部份都系台湾直送，绝对系诚意之作。👇
📌情人月限定二人套餐 - $314 (一生一世价)
▪ 马来椰香鲜鸡浓汤面 -
▫ 由餐厅最新推出既特色主题情人节套餐，无论你系单身狗定系正日庆祝唔到，仲有成个2月一样可以试到。
而呢个马来椰香，净系卖相都觉得好幸福，铺满哂系面条上面既黄油鸡，经过鸡汤熬制，味道食起上黎相当浓厚。
面条唔会太粗身，有咬口之余配搭附送既香料捞埋一齐食，又几惹味wor！
▪ 珍珠带子鲜虾红菜头海鲜汤面 -
▫ 情人节最紧要系咩呀？系玫瑰呀！我相信系无女仔抗拒收到玫瑰。好似呢碗用左大量红菜头既海鲜汤面，
成碗面以玫瑰红做主题。汤底睇落红当当之余，再加埋一粒粒珍珠带子、原只大虾，食材够新鲜配上浪漫感觉，衬到绝！
▪ 草莓雪绒白桃乌龙 -
▫ 适逢情人节推出既Menu，以草莓做主题既奶盖，配搭淡淡清香既Kiki烤茶同埋白桃乌龙。
两款饮落入口软绵细腻，奶盖唔会太甜够厚身，饮得过！喂！男人，你要识做啦。
📌茶味主题甜品 -
▪ 伯爵戚风蛋糕配黑糖珍珠 - $68
▫ 黎呢到打卡无可能唔嗌呢个戚风蛋糕，以英式伯爵茶做底，再加埋忌廉同埋黑糖珍珠做配角。本身蛋糕卖相已经好有睇头，
而食落口感松软，茶味唔会太浓岩岩好。而珍珠既画龙点晴，增加左个蛋糕既咬口，唔错。
▪ 仙草珍珠 - $28
▫ 另一款打卡既仙草珍珠，凉粉入口滑溜够哂透心凉。面头覆盖住海量既珍珠，口感烟韧够弹牙。
我钟意甜少少，所以倒埋黑糖糖浆，做返个平衡，咁就最完美啦。
张贴
