影片
更多
2023-04-14
983 浏览
好耐无约表姨甥女出嚟食饭啦，因为佢之前长时间喺乡郊搞复耕，近半年先搬返出嚟市区暂住，所以今晚约佢食番餐简单嘅日本菜。听闻「古今二」啲寿司卷好有创意、好有特色，因此上嚟走访一下。餐厅位于「澳门逸园中心」食厦，所以一出电梯就喺餐厅，店面已经好有日本风情，走进餐厅里面，一派传统木系风，简约舒适；餐厅面积唔算好大，但座位排得唔算密，加上今晚未至好爆，所以，感觉几唔错。另外，仲有一个长型厢房，大概坐到14人左右，睇得到可以间为两个细厢房，适合人多时自成一角搞吓聚会。上文都提及过呢度嘅卖点喺啲创意十足嘅寿司卷，超过成40款，真喺超多，单看名字已经几搞嘢，除此之外，仲有沙律、前菜小食、天妇罗、炸物、烧物、锅物、汤、饭类、串烧、寿司、刺身……等等，真喺选择非常之多。我哋都无乜头绪，所以，都晌啲厨师推介中落手。日式章鱼小丸子 $48一客有6粒小丸子，淋上自家制酱汁之后，再洒满好多木鱼碎同紫菜丝，够晒日式传统风味，小丸子入口粉粉腍腍，里面章鱼粒烟韧有咬口，配埋木鱼碎、紫菜丝，味道唔错。琦玉网烧牛舌 $78小弟本身都几钟意食牛舌，见到呢款又喺厨师推介，当然要试试。虽然一客只有4件，但件件都喺厚切，最正喺烧得
餐厅位于「澳门逸园中心」食厦，所以一出电梯就喺餐厅，店面已经好有日本风情，走进餐厅里面，一派传统木系风，简约舒适；餐厅面积唔算好大，但座位排得唔算密，加上今晚未至好爆，所以，感觉几唔错。
另外，仲有一个长型厢房，大概坐到14人左右，睇得到可以间为两个细厢房，适合人多时自成一角搞吓聚会。
上文都提及过呢度嘅卖点喺啲创意十足嘅寿司卷，超过成40款，真喺超多，单看名字已经几搞嘢，除此之外，仲有沙律、前菜小食、天妇罗、炸物、烧物、锅物、汤、饭类、串烧、寿司、刺身……等等，真喺选择非常之多。我哋都无乜头绪，所以，都晌啲厨师推介中落手。
日式章鱼小丸子 $48一客有6粒小丸子，淋上自家制酱汁之后，再洒满好多木鱼碎同紫菜丝，够晒日式传统风味，小丸子入口粉粉腍腍，里面章鱼粒烟韧有咬口，配埋木鱼碎、紫菜丝，味道唔错。
琦玉网烧牛舌 $78小弟本身都几钟意食牛舌，见到呢款又喺厨师推介，当然要试试。虽然一客只有4件，但件件都喺厚切，最正喺烧得有碳火香，牛舌嘅质感有种弹牙爽口感，而且油脂丰盈，沾上秘制酱汁，更能够突出牛舌嘅独有味道，正呀喂！
琦玉网烧牛舌
$78
18 浏览
0 赞好
0 留言
烟花卷 $108卷物试咗两款，而呢款叫「烟花」嘅喺以辣味三文鱼、辣味吞拿鱼、脆片作为组合，再晌面头加啲蟹籽做装饰，扮喺爆开嘅烟花，当然似唔似放烟花，就要加啲幻想同用心领会一下喇。上面嘅吞拿鱼蓉堆到成个小山咁，又刴得软滑，加埋啲脆片同蟹籽，食味唔错；而三文鱼其实晌寿司卷里面，仲夹咗少少脆片嚟增加口感，不过话喺辣味，但食咗好多件都唔觉得辣。
金龙卷 $105另一款卷物喺以三文鱼、炸虾、芝士 作为组合，其实讲就好似好简单，但细心睇晌制作中仲有好多心思位，首先就喺将天妇罗炸虾加上沙律酱嚟做成寿司卷，面头嘅芝士片又火炙过，入口味道富层次，咬落去有唔同嘅口感，比起「烟花」，我哋更钟意呢个「金龙卷」。
金龙卷
$105
8 浏览
0 赞好
0 留言
虽然今晚试嘅嘢唔多，但食得出用料有质素，而且，两款卷物亦各有特色，招呼亦都几好，侍应不时为我哋加添热茶。
张贴
