琥酌 (已結業)

第一次写食评，大家多多包涵。今日出完粮，食lunch就紧系食豪d喇，所以同team同事就决定去食公司附近嘅好野，拣黎拣去都拣唔到，突然有个同事话不如食太子间吉列牛，之后我地就急急脚行过去喇。去到间餐厅好彩有张6人台埋紧单，我地净系等左5分钟就入去坐低。入到去大家都清一式叫最平果只吉列牛餐，价钱大约系$200左右，倾倾下计，待应就帮我地set好位，放D调味同放个重点「火炉」落张台到。之后个吉列牛好快都上埋黎，我就最中意食呢d日本 1 set set嘅定食，次次食都感觉好舒服，可以同朋友食之余又可以保持自己嘅私隐，想食咩先就食咩先。我本身想就咁食只卖相咁靓温泉蛋，但系食左一啖饭之后觉得个饭好dry，如果配埋吉列牛，食得好辛苦「所以我就果断倒只蛋落去个饭到，个吉列牛套餐即刻提升几级。个吉列牛食法只系需要每边烧十秒，再点小小汁就已经好好食，我最钟意就系个海盐，最能带出个吉列牛味道。到最后食哂D吉列牛同饭，我就慢慢饮埋个面豉汤作为呢餐嘅总结，面豉汤个配料都几多，我觉得系可以为呢餐做一个点缀。