影片
更多
2023-08-22
4200 浏览
今晚又无饭开，但多得老友陪我食晚饭，就番我就定晌荔枝角D2 Place揾食，食完我行番屋企都得，而佢亦有巴士直达返大围。D2 Place无论一期定二期，算喺嚟荔枝角揾食嚟得最多嘅地方，不过，小弟都喺钟意试新嘢，所以，都甚少重复食同一间，一向都喜欢台菜，故相中「捌捌陆」。 餐厅嘅设计喺开放型，挨住商场嘅通道，无墙间隔，所以，观感上就会大好多，否则，其实个环境会变得长长窄窄。装修简约，一室明亮，令人坐落都几舒服。 餐牌一张过，分为汤面、拌面、卤肉饭，仲有啲台式卤水、台式小食，而甜品就得一款；此外饮品方面，绝大部分都喺常见嘅台式饮品，整体嚟讲，定价都公遁。 一坐低，侍应就会俾个二维码你，自己慢慢碌住手机慢慢点，呢度嘅主食可以加$20转为套餐，多一款凉拌小食及$28以下嘅饮品，亦可以选其他嘢饮，只要补返差价就可以啦，所以整体嚟讲 都几多弹性。 凉拌木耳、凉拌小青瓜（套餐）套餐所包嘅凉拌小食有三款选择，我哋就拣咗木耳同青瓜，两款凉拌都做得唔错，清清爽爽，衬晒一阵间主食嘅浓味、油香嘢食。 台式卤水拼盘 $78本来好想试个台式小食拼盘，不过，刚好卖晒，改为一试个卤水拼盘，包括有牛展、牛筋、牛肚、猪手
餐厅嘅设计喺开放型，挨住商场嘅通道，无墙间隔，所以，观感上就会大好多，否则，其实个环境会变得长长窄窄。装修简约，一室明亮，令人坐落都几舒服。
餐牌一张过，分为汤面、拌面、卤肉饭，仲有啲台式卤水、台式小食，而甜品就得一款；此外饮品方面，绝大部分都喺常见嘅台式饮品，整体嚟讲，定价都公遁。
一坐低，侍应就会俾个二维码你，自己慢慢碌住手机慢慢点，呢度嘅主食可以加$20转为套餐，多一款凉拌小食及$28以下嘅饮品，亦可以选其他嘢饮，只要补返差价就可以啦，所以整体嚟讲 都几多弹性。
凉拌木耳、凉拌小青瓜（套餐）套餐所包嘅凉拌小食有三款选择，我哋就拣咗木耳同青瓜，两款凉拌都做得唔错，清清爽爽，衬晒一阵间主食嘅浓味、油香嘢食。
台式卤水拼盘 $78本来好想试个台式小食拼盘，不过，刚好卖晒，改为一试个卤水拼盘，包括有牛展、牛筋、牛肚、猪手同百页豆腐，份量非常十足，满满嘅一大碟，卤得色泽深沉。 牛展好松化，牛筋腍滑，牛肚柔韧，猪手好重骨胶原，豆腐甚有豆香，全部都卤得好入味，整体都有水准。
红烧牛三宝面 $78拼盘都满足唔到老友，佢就拣咗个牛三宝，即喺有牛展、牛筋、牛肚，上文都讲咗店家嘅卤水喺有一手，而个汤底甚具肉香，浓而不浊，饮咗大半碗都无口渴嘅问题，手工面亦好有质素，柔韧耐浸，食到尾都无话腍晒，好食。
盐酥排骨卤肉饭 $68我就拣个配盐酥排骨嘅卤肉饭，无论面条，还是卤肉饭，都会配只卤蛋。𩠌料放到满满晌饭面，盐酥排骨做得唔错㖞，外层甘香松脆，唔油腻，肉质松化；而呢度啲卤肉就切得比较大粒，少少肥膏咁啦，但好惹味，捞饭真喺一流，
冻顶乌龙茶、黑糖珍珠鲜奶 +$10虽然小弟一向好钟意饮奶茶，但检视吓自己嘅食评，原来台式嘢饮中，拣黑糖珍珠鲜奶多过黑糖珍珠奶茶㖞。虽然餐厅无讲明喺用咩鲜奶，但饮落奶味醇厚，好鲜味，而搅匀之后，黑糖𠮶阵阵清租纯香嘅糖味，确喺好特别，好唔同，而底下有好多珍珠，煮得非常QQ，烟韧而有嚼劲。
如果唔喺点个拼盘，其实呢度人均消费大概$90左右，已可以食到好饱，加上香港人都几钟意食台湾菜，睇到餐厅一张枱都可以做到两三转生意 ，希望社会经济继续好啲，人人有工开，日日食餐好。
张贴
