影片
更多
2021-09-09
1334 浏览
上次同夏总踢完早波（其实叫黄昏波），因为讲咗返屋企食，未有一齐食晚饭，讲话下次先再出约。趁住佢无奈地放大假，约出嚟食餐晚饭。疫情前，佢每年都会去一次日本，年几无出门，所以，就拣咗食拉面。地点，都喺油尖旺方便大家啦，最后选上「阿久根」，因为汤底唔喺得个猪骨汤，有其他特色汤底。 门面唔喺好大，细细间咁，有啲隐世拉面小店咁款，而未入去，先吸引到眼球喺铺门旁嘅后巷闸门，因为挂满晌日本啲神社一定见到嘅许愿牌，颇有「地道」风情。老友讲笑咁讲，寻回少少旅日回忆。当踏入餐厅，都如预期般小店环境，地方细细，虽然如此，但就好自然有一种「拉面」铺嘅格局，大抵因为有好多单向嘅面壁位，而墙上又贴上唔少跟日本相关嘅怀旧海报或布幡。全场都喺高脚枱櫈，枱下有啲挂勾勾吓袋，我哋仲坐晌对住厨房位，可以睇到师傅整面。 枱上放有水杯、筷子、纸巾、各种调味料、消毒啫喱，自由取用，俗啲讲就喺自己顾自己，其实咁仲好。 讲到拉面，一般日式拉面店都做得好专，选择唔会太多，不过，「阿久根」就有少少唔同，汤底都有几款：浓虾汤（唔喺龙虾汤）、鸡白汤、香葱酱油汤，而主食材可拣招牌嘅A4和牛，仲有牛肩胛、安格斯牛小排、香煎虎虾、炙烧豚肉、宫崎烟
门面唔喺好大，细细间咁，有啲隐世拉面小店咁款，而未入去，先吸引到眼球喺铺门旁嘅后巷闸门，因为挂满晌日本啲神社一定见到嘅许愿牌，颇有「地道」风情。老友讲笑咁讲，寻回少少旅日回忆。
当踏入餐厅，都如预期般小店环境，地方细细，虽然如此，但就好自然有一种「拉面」铺嘅格局，大抵因为有好多单向嘅面壁位，而墙上又贴上唔少跟日本相关嘅怀旧海报或布幡。全场都喺高脚枱櫈，枱下有啲挂勾勾吓袋，我哋仲坐晌对住厨房位，可以睇到师傅整面。
枱上放有水杯、筷子、纸巾、各种调味料、消毒啫喱，自由取用，俗啲讲就喺自己顾自己，其实咁仲好。
讲到拉面，一般日式拉面店都做得好专，选择唔会太多，不过，「阿久根」就有少少唔同，汤底都有几款：浓虾汤（唔喺龙虾汤）、鸡白汤、香葱酱油汤，而主食材可拣招牌嘅A4和牛，仲有牛肩胛、安格斯牛小排、香煎虎虾、炙烧豚肉、宫崎烟肉、萨摩鸡……等等，都几有亮点。除汤面，亦提供沾面，当然，唔少得好几款日式小食，有啲仲几有卖点添，整体定价亦跟大部份拉面店差唔多！
可乐、忌廉 @$15真喺潜规则，食拉面配汽水，好似特别有感，就好似炸髀配豆冰，不期然走埋一齐。晌度饮罐汽水喺唔抵架喇，但食住热辣辣嘅面条，再饮啖冰冻嘅汽水，再「碳」一口气，𠮶种就喺感觉，特别爽。
冲绳苦瓜饺子 $48普遍嘅人都唔多钟意食苦瓜，但老友算喺少数嘅例外，所以，见有款咁特别嘅苦瓜饺子，真喺无理由唔错试。饺子煎得好香，脆底，咬落去皮薄有肉汁，啲猪肉搓得够松化，慢慢渗出甘苦味。
牛肩胛肉香葱酱油汤拉面 $98卖相真喺几靓仔，牛肩胛肉一片片扇形咁排好，而且，都有几多块，仲伴埋溏心蛋、紫菜、葱花、木耳，老友唔食笋，话毒㖞，所以走笋干。望上去大大碗，底下嘅面条确喺几多。讲番啲牛肩胛肉，唔算话超嫩滑𠮶种，但好软腍，而且，极具肉香，香葱酱油汤亦都好香，浓而不浊，配拉面好好食。
牛肩胛肉香葱酱油汤拉面
$98
22 浏览
0 赞好
0 留言
食日式拉面，印象中，小弟好似未试过配海鲜，仲要喺虎虾，当然好有兴趣试呢个啦，配上虾汤，未食都觉得喺完美组合。虽然得一只虎虾，但件头非常大，令到整体都好有睇头，加上伴有溏心蛋、紫菜、葱花、木耳、笋干，其实非常丰富。
香煎虎虾浓虾汤拉面
$98
64 浏览
0 赞好
0 留言
而虎虾鎅晒花，煎得香口，虽未至于超弹牙，但都好食，而溏心蛋睇都睇得出做得有水准，蛋黄绵香。
面条就弹牙而带点韧性，且几耐浸，食到尾都口感一致，唔会腍晒，绝对喺水准之作。
虽然，铺仔细细，但食得出用心制作，我哋所试嘅两款汤底，都用料十足无欺场，连𩠌连面，整碗拉面够晒斤两，值得推介。
张贴
