柏景餅店 (已結業)

上个月初到访「柏景餐厅 」食自助餐，时值做紧主题「泰•寻味之旅」，多款泰菜菜式固然有特色，去到甜点环节，当中有一款迷你榴梿挞，小巧的骰，真喺做得唔错，老婆都好欣赏。路过佢哋嘅「柏景饼店」，与此同时见到推出咗一款「3D榴梿飘香蛋糕」，卖相好「榴梿」，都几吸引，加上试咗佢哋嘅榴梿甜点，有信心会做得唔错，所以，一于试试坚定「榴」。我见官网介绍喺一磅装，但拎上手好似几重吓。而蛋糕只喺以基本包装盒袋住，初头都好担心，会唔会「飘香」而惹嚟厌恶目光呢？出奇地无乜味㖞！打开包装盒，个「榴梿」又真喺几像真㖞，由榴梿钉、果椗，到色泽，都做到似模似样，一丝不苟。净喺睇啲榴梿钉，就知几花机，真喺逐钉逐钉咁唧出嚟，钉钉皆辛苦。就算打开个盒，都未有强烈嘅气味，但一切开，唔喺讲笑，啲榴梿味一涌而出，真喺飘香四溢。外层绿色嘅忌廉就好似保护罩罩实个蛋糕，所以，未切开就真喺无乜点闻到啲味。不过话喺忌廉，但感觉黏性较重，有少少似麻糬嘅质感，味道似喺斑兰味。睇到个横切面，就见到蛋糕一层又一层，海绵蛋糕之间喺榴梿吉士及榴梿果肉，而且，果肉都几多，故此，榴梿味劲突出；海绵蛋糕非常松绵，吉士打得柔滑细致，啲果肉熟到啱啱好，口感软滑