影片
更多
2023-03-24
1253 浏览
都好耐无同啲死佬聚一聚，所以，今晚就搞咗个小饭局，几个死佬出嚟食下饭、吹下水。个个都喺麻甩佬，所以，食中菜就啱气氛啲，故此，过到嚟湾仔嘅「楼上大排档」食餐晚饭。 虽然唔喺真正嘅大牌档，但铺上红色嘅胶枱布，用上旧时晌大牌档常见嘅铝质热水壶，都有几分以前大牌档嘅感觉；周围又整啲机铺、麻雀铺、快餐店、粉面档嘅门面，非常搞嘢，后生一辈可能未见过。因为嚟得早，客人唔算多，但坐吓坐吓都唔少人。餐牌底面两版，主打避风塘菜式以及各式小炒，而背页就喺啤酒、汽水、特饮……等等。食到尾，同啲阿姐倾开，先知喺以前喜记炒蟹嘅总厨主理，早知就点啲避风塘菜式啦！青柠梳打 $25、咸柠七 $25、可乐 $15啤酒就唔啱我哋，饮吓啲特饮爽快一吓啦。小弟拣咗青柠梳打，落咗成粒青柠，配以泰国嘅梳打水，所以，成杯梳打特别有青柠香，冰凉清爽。老死杯咸柠七都正，因为整粒咸柑桔加上几片柠檬，酸香醒神。招牌脆皮乳鸽 $78睇外观，啲乳鸽炸得金黄吸引，色泽亮丽，咬落去非常之热焫焫，外皮十分香脆，肉质嫩滑细致，沾上少少淮盐，更吊起啲肉香，怕咸嘅点少少喼汁，亦都唔错，可以去咗阵油腻感。 古法炒蚬 $128何谓古法？小弟就唔太清楚，不过碟炒
虽然唔喺真正嘅大牌档，但铺上红色嘅胶枱布，用上旧时晌大牌档常见嘅铝质热水壶，都有几分以前大牌档嘅感觉；周围又整啲机铺、麻雀铺、快餐店、粉面档嘅门面，非常搞嘢，后生一辈可能未见过。因为嚟得早，客人唔算多，但坐吓坐吓都唔少人。
餐牌底面两版，主打避风塘菜式以及各式小炒，而背页就喺啤酒、汽水、特饮……等等。食到尾，同啲阿姐倾开，先知喺以前喜记炒蟹嘅总厨主理，早知就点啲避风塘菜式啦！
青柠梳打 $25、咸柠七 $25、可乐 $15啤酒就唔啱我哋，饮吓啲特饮爽快一吓啦。小弟拣咗青柠梳打，落咗成粒青柠，配以泰国嘅梳打水，所以，成杯梳打特别有青柠香，冰凉清爽。老死杯咸柠七都正，因为整粒咸柑桔加上几片柠檬，酸香醒神。
招牌脆皮乳鸽 $78睇外观，啲乳鸽炸得金黄吸引，色泽亮丽，咬落去非常之热焫焫，外皮十分香脆，肉质嫩滑细致，沾上少少淮盐，更吊起啲肉香，怕咸嘅点少少喼汁，亦都唔错，可以去咗阵油腻感。
古法炒蚬 $128何谓古法？小弟就唔太清楚，不过碟炒蚬加咗啲九层塔去炒，阵阵九层塔香气，另外，仲带少少甜味，整体而言，都几惹味。此外，蚬肉都唔细粒，味道好鲜甜，最紧要食到尾一粒沙都无。
拔丝咕噜肉 $138咕噜肉一向大有市场，味道酸酸甜甜，喺一记𩠌饭嘅好菜式。呢一碟咕噜肉真喺做得几好，酸甜细致，唔会太呛喉，茨汁刚好，唔会有太多余嘅茨汁，咕噜肉大大件，肉质松化，外层仲保持到脆口，细心食，食得出菠萝喺新鲜货，唔喺罐头嘢。
XO酱肉碎芥兰煲 $98唔系讲笑，嚟到个煲滋滋声，睇得见热气腾腾，阵阵香气四溢。啲芥兰炒得啱啱好，入口爽脆，XO酱去炒，加上少少肉碎，食落咸咸香香，喺一度好惹味嘅菜式。
黑蒜虾仁炒饭 $108呢个炒饭真心推介一下，因为唔喺一般虾仁炒饭，加咗黑蒜粒去炒，但你又唔会话蒜味太强，可以讲点到即止，黑蒜本身对人又好有益；最紧要喺个炒饭炒得香口，饭粒分明，所以，连老友都大赞好食。
蕃薯糖水正要埋单之际，阿姐话咪走住，因为店家会奉送个蕃薯糖水，虽然唔喺咩贵嘢，喺餐厅表达嘅几点点心意。啲蕃薯好够甜味，有时晌街市买啲蕃薯靓但无乜甜味，而个糖水底就好劲姜，老友就话啱晒佢口味。
席间老友吹吹水，讲到国际经济大环境，美国、瑞士陆续有银行爆煲，但大家都唔太担心，相信未必烧到嚟香港嘅银行。只求继续揾多个钱，继续出嚟饮饮食食，留住呢份好友情，回想返昔日晌石硖尾、深水埗一带啲大牌档吃喝嘅开心时光。
张贴
