台站 (已結業)

呢间小店只设有企位食下小食，主打外卖生意，方便系附近返工嘅人买早餐同午餐🥡，仲可以系小小连侬墙上留个言支持香港人💪🏼💗台式肉松蛋卷饼($25)饼皮较硬身好似墨西哥卷🌮唔够平时咁湿润烟韧，胜在唔会过厚而且煎得唔油腻。内里夹住超多肉松，食落微甜咸香。蛋皮煎至太阳蛋嘅熟度，冇咗半流心效果，不过蛋味都够浓。可惜整体太干身，如果加番芝士同少少沙律酱就好🤔💗黑白花枝丸($18)花枝丸炸得胀卜卜，食到中间有粒粒墨鱼，咬落超爽口🦑两款其实味道差唔多，只系黑色加咗墨汁。不过白色更弹牙。洒上满满椒盐粉，味道香酥咸香🧂💗怀旧肉燥饭配鸡扒($29)用上珍珠米饭，唔会煮到淋pat pat🍛份量都算多，肉燥同鸡扒已经占咗半盒饭。偏瘦嘅免治猪肉，肉质唔算好鞋🐷仲有好多冬菇粒增加口感🍄炆得算入味不会死咸，卤水汁亦足够，可惜花椒八角味略为重手。鸡件够厚实，炸粉够薄，所以食落唔油腻而且香脆，可惜肉质太干，仲要一d味都冇，好似完全冇腌过咁，好彩冇雪味🐥💗袐制糖心蛋($7)用花雕酒浸透🥃食落微甜有蛋味。蛋白啱啱熟呈啫喱状，蛋黄完全流心。蛋汁用嚟捞饭就最正🐣