影片
更多
2023-03-06
5296 浏览
早前睇过啲饮食杂志嘅报道，先知呢间卖传统中式糕点嘅「龙妈妈」原来制作喺咁有诚意，所以，今日衬出开嚟佐敦一带都有少少专诚过到嚟帮衬下，买啲糕点返去当饭后甜品，加上老婆本身都钟意食呢一类中式糕点。门口放咗两组冻柜，所有出品一眼睇晒，左边矮身冻柜放晒所有糕点，右边高身冻柜就放咗一啲滋润养身饮品，睇起嚟都几特别，不过，今次就试试店家嘅糕点先。不得不讲，无论糕点，还是饮品，都放得整齐。再细看啲糕点，唔单止款式多，而且，有啲可以讲喺坊间少见，重点喺真材实料制作，并非工场交货嘛！定价$20 / 3件，最正喺可以任搭，咁就可以一次过试到多款唔同口味。晌等候期间，又无意中睇到铺内一角，果然严选优质材料嚟制作，更标明每日新鲜制造。 左度右度，买咗6件心水嘅返去试试。件件糕点都大片又厚身，而拎起嚟都好坠手，感觉份量十足无欺场。红枣糕红枣糕够养颜， 拣嚟畀老婆试，闻落就唔喺好特别，但食落就确喺好有红枣嘅清甜味，口感软软糯糯，糕身算喺几挺身，里面仲有少少红枣肉。椰汁桂花糕 两层桂花糕夹一层椰汁糕，所以，卖相好睇，桂花都睇得出落唔少，所以，桂花糕部份好有自然嘅桂花香气，淡雅清幽，糕身亦好有弹性；而椰汁糕部份，椰香
门口放咗两组冻柜，所有出品一眼睇晒，左边矮身冻柜放晒所有糕点，右边高身冻柜就放咗一啲滋润养身饮品，睇起嚟都几特别，不过，今次就试试店家嘅糕点先。不得不讲，无论糕点，还是饮品，都放得整齐。
再细看啲糕点，唔单止款式多，而且，有啲可以讲喺坊间少见，重点喺真材实料制作，并非工场交货嘛！定价$20 / 3件，最正喺可以任搭，咁就可以一次过试到多款唔同口味。
晌等候期间，又无意中睇到铺内一角，果然严选优质材料嚟制作，更标明每日新鲜制造。
左度右度，买咗6件心水嘅返去试试。件件糕点都大片又厚身，而拎起嚟都好坠手，感觉份量十足无欺场。
红枣糕红枣糕够养颜， 拣嚟畀老婆试，闻落就唔喺好特别，但食落就确喺好有红枣嘅清甜味，口感软软糯糯，糕身算喺几挺身，里面仲有少少红枣肉。
椰汁桂花糕 两层桂花糕夹一层椰汁糕，所以，卖相好睇，桂花都睇得出落唔少，所以，桂花糕部份好有自然嘅桂花香气，淡雅清幽，糕身亦好有弹性；而椰汁糕部份，椰香十足，两者估唔到都以夹。
黑糖姜汁糕 色泽最深沉嘅一款糕点，但绝对喺「有料」之糕，咬落糕身比较烟韧，味道方面，先有阵阵黑糖香气，但嗒落去，姜汁嘅味道强势渗出嚟，更感受到𠮶份辛辣之劲，冬天食呢款糕，实有御寒之效。
绿豆糕 咁多款糕品中，以绿豆糕相对平淡少少，不过，你睇见糕身平均填满绿豆，同样喺用料无欺场。其实，食味都唔错，有淡淡绿豆香，只不过，喺无咁特别而已。
红豆糕 老婆一向对红豆情有独钟，所以，晌众多糕品之中，就几钟意食红豆糕。呢一件红豆糕，质素都唔错，里面嘅红豆大大粒、好饱满，清甜味十足，又唔会太甜。
椰汁斑兰千层糕杂志特别讲到佢哋喺用新鲜斑兰叶榨汁，所以，点都拣一款有斑兰元素嘅糕点。呢件千层糕，绿白相间足有9层，绝对喺心机嘢，而淡淡绿色绝对唔喺人造色素，原汁原味以斑兰汁去做，故入口确有有阵阵斑兰清香，质地烟韧有弹性，配以椰汁糕，极具东南亚风，好睇又好食。
先后分享咗6款糕点，可谓各有特色，果真用料十足，平均算为$7件，呢个价实在喺抵食。仲有，糕点都喺当日做当日卖，食过之后，每一件都都食得出喺新鲜货，唔会话放耐咗有啲部分就会变硬嘅感觉，真喺好够诚意。
张贴
