影片
更多
2022-11-17
1716 浏览
早睇晌杂志睇到呢一家居酒屋「喜多嬉牡蛎屋 」嘅专访，嚟自日本北木岛，小弟唔喺日本通，所以，对北木岛呢个地方好陌生，而睇杂志嘅专访，「喜多嬉」本身喺历史悠久嘅牡蛎（我哋就惯叫生蚝）养殖场，今次喺首次进军香港饮食市场，个人感觉喺几大胆嘅决定。同位旧同学倾开，原来佢喺蚝痴，所以，今日嚟到就食餐「蚝」华午餐。 单睇铺门窄窄，其实，入到里面都几深长，装修都几骨子，传统嘅日式木系，虽然简约，亦有啲亮点，例如天花挂咗啲绳网，犹如捕鱼嘅大鱼网般，不过，最特别喺啲贝壳形吊灯，灯光又令一室柔和，而墙上亦挂上唔少北木岛、牡蛎嘅相关照片。眼见，嚟亲嘅客人都喺冲住啲牡蛎而嚟，绝大部份都喺选择牡蛎放题。櫈下有个小杂物箱，放便放吓背包、手袋，唔使摆晌椅背，咁就坐得更舒服啦！枱上除咗精致嘅餐具，仲有少少调味料，有一罂「秘制魔鬼辣椒粉」，有别一般嘅深红色，而喺泥啡色，我哋唔嗜辣，无试，真喺想知有几「魔鬼」！嚟到呢度，相信好多人都为啲牡蛎放题而嚟，听店员介绍，蚝种嚟自冈山县直送。而佢哋嘅牡蛎放题，分60 / 90分钟任食牡蛎刺身（即喺生蚝）同铁板烤牡蛎，另附有一个丰富嘅前菜，前者收$398，后者收$498，贵唔贵就见仁见
单睇铺门窄窄，其实，入到里面都几深长，装修都几骨子，传统嘅日式木系，虽然简约，亦有啲亮点，例如天花挂咗啲绳网，犹如捕鱼嘅大鱼网般，不过，最特别喺啲贝壳形吊灯，灯光又令一室柔和，而墙上亦挂上唔少北木岛、牡蛎嘅相关照片。眼见，嚟亲嘅客人都喺冲住啲牡蛎而嚟，绝大部份都喺选择牡蛎放题。
櫈下有个小杂物箱，放便放吓背包、手袋，唔使摆晌椅背，咁就坐得更舒服啦！
枱上除咗精致嘅餐具，仲有少少调味料，有一罂「秘制魔鬼辣椒粉」，有别一般嘅深红色，而喺泥啡色，我哋唔嗜辣，无试，真喺想知有几「魔鬼」！
嚟到呢度，相信好多人都为啲牡蛎放题而嚟，听店员介绍，蚝种嚟自冈山县直送。而佢哋嘅牡蛎放题，分60 / 90分钟任食牡蛎刺身（即喺生蚝）同铁板烤牡蛎，另附有一个丰富嘅前菜，前者收$398，后者收$498，贵唔贵就见仁见智，在乎你喺唔喺好钟意食蚝。此外，新张期间更会赠送烤日本帆立贝！
除咗牡蛎放题，午市另备有午餐，此外，亦提供多款散点菜式，包括小食、串烧、饭面，当中更有不少喺各式各样嘅牡蛎菜式！
前菜（八寸-喜多嬉九品）卖相就好吸晴喇，晌九宫格方型木托盘之上，放上8款食物，精致到不得了，食物包括喜多嬉牡蛎茶渍饭、日本直送象拔蚌刺身、时令沙律、天妇罗秋葵、二色烧活白鳗、喜多嬉牡蛎刺身、手工月见烧鸟串、天妇罗紫苏叶吞拿鱼蓉，问过店员有无食用嘅先后次序，以上打出嚟就喺佢讲嘅次序，即喺食完中间个茶渍饭，就由象拔蚌开始顺时针咁食。有别我心想由淡至浓味咁食法，当然，食嘢随喜好，亦可以按自己喜好嚟食。
喜多嬉牡蛎茶渍饭话喺前菜，但就有个迷你版茶渍饭，感觉有少少破格。「茶渍」只喺代名词，实际喺蚝汤饭，个汤好浓蚝味，仲混咗少少蚝肉，食落真喺几正。
日本直送象拔蚌刺身象拔蚌刺身都唔喺第一次食，不过，加埋片腌渍藕片，卖相就靓仔咗好多。象拔蚌口感几清爽，咬落柔韧有嚼劲，沾上少少芥末，成个人醒晒。
时令沙律简简单单嘅沙律菜，淋上少少柚子醋，特别就唔特别，但可以清清番啲味蕾，作为间间场嘅前菜。
天妇罗秋葵再落嚟就试试店家嘅天妇罗，入口唔错，粉浆够薄，亦唔油腻，秋葵仲爽爽哋口，不过，因为嚟到都隔咗段时间，感觉喺少咗份香脆感。
二色烧活白鳗两小件烧鳗鱼，一口一件啱啱好，入口充满鳗鱼嘅油香，口感挺实却好嫩滑，加上已涂上酱油去烧，颇为惹味。
喜多嬉牡蛎刺身初时见牡蛎「刺身」以为好似啲鱼生咁切切裁裁得番件肉，其实就喺平常所食嘅原只生蚝。因为稍后都喺生蚝任食，所以，等阵再讲，反而，觉得作为前菜，改以另一啲渍物、小食代替仲好。
手工月见烧鸟串月见即喺只生鸡蛋，当然喺嚟自日本嘅靓货，而件烧鸡串搓得够「实净」，但入口却喺松化唔死真，有肉香，沾上鸡蛋，口感多咗一阵滑溜感。
天妇罗紫苏叶吞拿鱼蓉最后一道喺吞拿鱼蓉，睇都睇得见刴到细碎，软滑之余，不泛脂香，最有趣喺配上一片天妇罗紫苏叶，同时入口就令口感更具变化。
牡蛎刺身配土佐酢啫喱睇番散点餐牌，单点价一只盛惠$48，我都唔算蚝痴，前前后后食咗4只而已，都叫回一半本喇。唔理你两个、定三个，一起手，店员会捧上一碟6只牡蛎刺身，睇落啲卖相靓啲嘛。的确外观好有光泽，只只都非常肥美，再者，加埋辣萝卜蓉、葱花、土佐酢啫喱，真喺未食都先兴奋。
平常食蚝都喺晌酒店食自助餐时食，蚝种都偏向欧美、澳洲，反而，日本蚝真喺较少食。柱位无切开晒，以示新鲜正货，入口口感带少少爽脆感，鲜味十足，蚝味都浓，而海水味唔会太强，所以，好啱旧同学嘅口味，佢就反而怕太重海水味嘅生蚝。再佐以辣萝卜蓉、葱花、酢啫喱，酸酸爽爽，食味更具层次同立体。
跟住就会试吓啲铁板烤牡蛎同烤日本帆立贝，但未食之前，先介绍6款配搭嘅酱汁：蒜蓉酱、孜然酱、XO酱（前排）及芝士酱、秘制酸汁、泰式辣酱（后排），都喺𠮶句啦，无话边款最夹，都喺睇个人口味而已，而小弟就最钟意孜然酱、XO酱及芝士酱。
铁板烤牡蛎烤牡蛎绝对唔喺第一次食啦，有啲BBQ豪吓，都会买少少生蚝嚟烧，有时晌啲日式串烧店，都久唔久试番一次半次，不过，佢呢一款铁板烤牡蛎，有别往时啲「明火」烧，啲牡蛎并非全熟，食起嚟有啲半生熟嘅感觉，仍然好爆汁，但蚝味更浓郁，都几得意。加上配搭唔同酱汁，食味各有特色，风味可以变得完全唔同，一口气豪食咗5只，以散点价计，返本啦。
烤日本帆立贝呢个食法大家都绝对唔陌生啦，好多时日式放题都有，不过，可能只帆立贝无咁大只啫，睇相都见，啲帆立贝真喺几大只，几厚肉吓，烤得啱啱好，鲜甜好味，肉质都几软熟，更有少少焦香，如果再烧耐啲就过笼，入口好易韧。同样，喜欢咩酱汁咪配咪酱汁啰，小弟就钟意夹啲浓味嘅。
白桃乌龙冷泡茶 $28店家除提供清酒、啤酒，仲有冷泡茶同汽水，要咗支白桃乌龙，用嚟清清牡蛎嘅浓味都几好，而且，支白桃乌龙本身乌龙味都几清幽，白桃味亦算突出。
如果本身好钟意食日本蚝，呢度就真喺啱晒你口味，加上配搭咁多款酱汁，喺一个几特别嘅体验。旧同学除咗喺蚝痴，仲喺哈日人士，食住今餐日本蚝当热身，准备迟啲出发「返乡下」。
张贴
