影片
更多
2022-12-04
1295 浏览
都话近年尾喺会多咗少少饭聚，继早前同老同学晌中环食餐粤菜午饭聚聚旧，今次就同一位老友记聚一聚。大家都钟意食西餐，就拣间坐得舒服嘅，偶然睇到呢家西餐厅「Feast Oyster Bar and Restaurant」，午餐有自助沙律吧，百松啲蚊，感觉唔错㖞。中环放饭时段超多人，所以，大多数餐厅为咗做多啲生意，枱櫈编排都用到尽每吋地方。不过，入到嚟「Feast Oyster」，感觉几舒服，一来灯光柔和有气氛，二来枱櫈唔会排得好密，装修摩登而有格调，最正喺入门口右边嘅马蹄位，三几个朋友嚟就啱晒，仲好有酒店嘅高级餐厅感。事后先知仲有上层，不过，就未有上去睇睇。既然店名以「Oyster」嚟尊称，生蚝自不然喺主打菜式，虽然喺午餐时段，照样提供各式生蚝，而且，又真喺有啲客专诚嚟食蚝，喺真正嘅「蚝」客。咁讲番午市，食蚝以外，午市套餐都好唔错，定价以所拣嘅主菜计，并共10款，由$128-$258，包埋自助任食沙律吧及厨师精选餐汤，不过，要留意，饮品就需另外加钱，有别惯常包餐饮嘅做法。枱上放咗张「二维码」，咁你就知喺自行点菜，不过，唔熟玩法就叫番侍应落单都OK。基本上，坐低咗就可以自行出去拎沙律，而点菜主
中环放饭时段超多人，所以，大多数餐厅为咗做多啲生意，枱櫈编排都用到尽每吋地方。不过，入到嚟「Feast Oyster」，感觉几舒服，一来灯光柔和有气氛，二来枱櫈唔会排得好密，装修摩登而有格调，最正喺入门口右边嘅马蹄位，三几个朋友嚟就啱晒，仲好有酒店嘅高级餐厅感。事后先知仲有上层，不过，就未有上去睇睇。
既然店名以「Oyster」嚟尊称，生蚝自不然喺主打菜式，虽然喺午餐时段，照样提供各式生蚝，而且，又真喺有啲客专诚嚟食蚝，喺真正嘅「蚝」客。
咁讲番午市，食蚝以外，午市套餐都好唔错，定价以所拣嘅主菜计，并共10款，由$128-$258，包埋自助任食沙律吧及厨师精选餐汤，不过，要留意，饮品就需另外加钱，有别惯常包餐饮嘅做法。
枱上放咗张「二维码」，咁你就知喺自行点菜，不过，唔熟玩法就叫番侍应落单都OK。基本上，坐低咗就可以自行出去拎沙律，而点菜主要喺点选主菜、餐饮及其他额外食物。个人建议，佢哋上菜都几快，所以，大可以食咗一阵沙律先再落单，咁就唔会一下子堆到成枱都喺食物。其实，佢哋整体嘅服务真喺几熨贴，收碟、添水，都好快手，又有礼。
自助沙律吧就晌门口嘅吧位，两款沙律菜，再加6-8款配料或冷盘食物，另有6款酱汁，离开时，仲稍稍留意到有啲已经转咗款，规模唔算大，但作为一顿午餐前嘅「头盘」，已好足够。小弟呢啲唔蚀底嘅，就梗喺样样要啲啦，杂沙律菜、罗马生菜、薯仔鸡肉沙律、粟米粒、藕片、麻辣茄子、甜南瓜，再淋上心水嘅蜜糖芥末汁。而食材够新鲜，生菜又爽脆，鸡肉嫩滑……已无得点输，加上个酱甜甜辣辣，有个性，好味道。
厨师精选餐汤是日喺南瓜汤，虽然，称唔上有咩惊喜，但打得香滑绵密，亦充满南瓜嘅香甜味，已经叫得做收货。
烟三文鱼香草蕃茄水牛芝士意大利包 $128咪以为一份面包，其实一样可以好饱肚，大大个意大利「拖鞋包」，垫有好多烟三文，夹住大大片蕃茄，加埋水牛芝士落得一啲都无手紧，份量十足，而面包内就搽咗少少香草酱，所以，一口过咬落去，真喺味道纷陈，口感丰富，啖口却软熟嘅水牛芝士搭咸香嘅烟三文，确喺几衬，仲有大量甘香脆口嘅薯条，饱晒。
香煎鲷鱼柳伴白酒忌廉汁配薯菜 $148老友记就清少少，唔想太肉，所以，就拣咗香煎鲷鱼柳，一整片大大件鱼柳，煎得金黄，非常吸引。小弟都试咗一小口，果然煎得香脆，肉质细嫩，而且，完全唔会有咩雪味，再者，佐以个白酒忌廉汁，香滑得嚟渗出微微酒香。薯菜用上意大利黄瓜，自然成本又高啲，味道又好食啲。
香煎鲷鱼柳伴白酒忌廉汁配薯菜
$148
5 浏览
0 赞好
0 留言
鲜奶咖啡、热柠水 +@$18虽然饮品要加钱，但都想餐后饮杯嘢，我哋又继续价吓偈，畅谈轶事。估唔到佢哋冲泡嘅鲜奶咖啡有一手㖞，媲美咖啡店嘅出品。拉花自然都睇得出有水准，入口口感平匀，奶泡撞落浓缩咖啡够均匀，而且，醇厚细滑。就连老友杯热柠水都用上壶上，叫做大体有诚意，当然，心态上点柠水喺唔抵架喇，哈哈！
老友有揸车嘅，食完话车我到公司楼下，我话唔使啦，几步脚就到，但老友好盛情，所以，做咗几分钟好似食完晏啲大老板咁。
张贴
