十三姨酸菜魚 (粉嶺中心) (已結業)

我本身唔钟意食鱼，怕细骨又怕腥，但酸菜鱼就唔同，一来无骨二来无腥味，最近就试咗「十三姨酸菜鱼」！同老公点咗「招牌二人餐」，再加配一个金蒜时蔬，饮品就拣咗可乐 + 冷泡桂花乌龙茶。二人餐有：招牌酸菜鱼份量好多，鱼肉滑溜，无骨，而且唔腥，辣辣地几惹味，锅内仲有酸菜同水晶粉，送饭一流！水晶粉弹牙烟韧，吸收哂辣汁，又辣又惹味，好味😋！四川回锅肉少少辣，几惹味，腩肉切到好薄，入口少少脆，无油腻感。手拍青瓜爽口嘅青瓜中和咗麻辣味，所以只吃到少少辣味，几好味！鸡丝凉粉开初以为是鸡丝「粉皮」，原来是未吃过的@凉粉」，嫩滑的凉粉本身无味，配麻辣味嘅鸡丝同花生粒同吃，估唔到几好味！加配嘅金蒜时蔬，原来系娃娃菜，真系好香蒜蓉味。冷泡乌龙茶真系好解渴！