金牌源記 (已結業)

听朋友讲荃湾开咗间蒸气火锅仲要系288蚊冇+1冇额外收费包茶水酱料汤甜品。听完之后只眼即刻发晒光捉埋妈咪去食。真心讲宜家呢个价食到咁多野，真系超值又有鲍鱼又有龙虾又有蟹，全部都系唔平嘅海鲜🦞。去到𠮶阵门口已经有条小人龙不过好彩等左一阵都好快安排左我哋入座。每台都有一栋蒸笼放喺你旁边，气势十足。虽然有张纸话俾你知海鲜蒸几耐但系全程都会有店员帮你整完全唔使动手。波士顿龙虾、鲜鲍鱼、大鳝、花尾龙趸、清蒸海虾、蒸大蚬、梅菜蒸娃娃菜、蒜蓉蒸扇贝蛏子皇、长筒鲜鱿陈村粉、源记荷叶蒜蟹饭同甜品。最钟意系：龙虾🦞，弹牙肉质爽口。蒜蓉蒸扇贝蛏子皇配蒜蓉粉丝真系冇得弹。仲有个蒜蓉蟹饭，系压轴嘅好戏，香而不浓岩岩好。