雲壽司 (聯成商業中心)

营业中

休息中

每当我食一件寿司，我都有感而发，虽然佢身形娇小，但唔好睇少佢带比人类既贡献，当睇住师傅点样握佢由一团醋饭握出黎，再配搭一块新鲜鱼生，由0到100，充满住一股生命力、创造力，你就会明白点解寿司咁受香港人欢迎。👇🏻📌盛 盒 -▪️ Deluxe Sushi Platter - $258▫️ 我无辨法相信，云寿司开左咁耐，呢次先系我第一次去试，嗌左个人气「特上寿司拼盘」，每片刺身刀功精细，卖相光泽饱满。牡丹虾入口散发住甘甜鲜味，肉质爽弹；赤贝厚身细密，极富弹性；深海池鱼肉质结实，好有咬口；三文鱼籽粒粒鲜甜，够哂弹牙；鲭鱼食落偏向较浓味少少；鲂𫚒口感同鱼味都非常特别；海胆入口软绵；葱吞拿鱼腩颜色较浅，面头大量葱花，满满既香气；火炙左口鱼边有咬口之余，带点焦香，正；最后既吞拿鱼腩入口即化，成个SET相当满足。