上海婆婆336 (已結業)

连锁式上海菜餐厅中, 数一数二必定有"上海婆婆", 价钱唔算贵, 质素亦多年KEEP到水准... 今晚就带婆婆同表弟仔一齐去坑口分店食个dinner~ 店内位与位之间尚算宽敞, 更设有卡位...打开menu, 基本上大多上海菜款式都应有尽有, 就算连老人家,小朋友,素食者都同样满足到! 【上海小笼包(4只)】HK$36上海菜都一定必食既小笼包, 小笼包皮好薄, 咬开时有丰富热辣辣汤汁涌出~ 除左鲜甜肉汁外, 馅料亦都唔少, 正!【生煎包】HK$36/3只生煎包卖相好饱满, 面层有芝麻, 底层被煎得非常香脆, 入口时食到底部既香脆,同时亦食到包既软棉口感, 包入面肉汁依然丰富~【生煎锅贴】HK$36/3只锅贴皮比较硬身, 底部被煎得略带点脆, 虽然内里汤汁不比小笼包为多, 但馅料份量绝不少, 更食到鲜甜肉味!【红油抄手(6只)】HK$48抄手皮薄而滑滑的, 包住鲜嫩猪肉, 加上甜甜的而又略带少少辣既汁酱, 几开胃~【花雕醉鸡】HK$76醉鸡非常嫩滑, 酒味香纯, 鸡骨比较细少, 而且鸡肉好入味...【排骨胆胆面】HK$60食上海婆婆又点少得点佢地既招牌胆胆面, 今次我就多点排骨做配搭~