影片
更多
2024-10-25
716 浏览
今次去到中环Soho区嘅The Globe，餐厅走British pub风格，传统嘅英式装横，地方阔落，仲有一个英式图书馆角落同埋世界地图摆设，好有气氛。餐厅主打英国菜，亦提供世界各地嘅啤酒、手工啤酒、红白酒，Gin、Whisky同埋Cocktail等，吸引咗好多外国人帮衬。今次点咗3-Course meal menu，有前菜、主菜同埋甜品，好丰富。Grilled Pork Loin Chop Waldorf Salad • Potato Pave • Pan Jus猪扒厚切，用上黑毛猪，猪扒经过慢烤，肉质松软Juicy，火喉控制得啱啱好，配上酱汁更加惹味，猪扒肉味浓郁，近住猪肋骨侧边嘅肉带有油脂香，好有咬口。旁边配上Potato Pave，千层马铃薯呈立体方块，焗至金黄色，口感非常酥脆，带有薯仔焦香，薯味十足。Lamb TagineCouscous • Apricot • Toasted Almond • Green Olives好有异国风情嘅一道菜，羊肉经过低温慢煮，肉质软腍，加上咖喱汁腌制，非常惹味，配上Couscous，由小麦粉制造，形状好似小米粒，用嚟配搭咖喱烤羊肉嚟食一流。
今次去到中环Soho区嘅The Globe，餐厅走British pub风格，传统嘅英式装横，地方阔落，仲有一个英式图书馆角落同埋世界地图摆设，好有气氛。
餐厅主打英国菜，亦提供世界各地嘅啤酒、手工啤酒、红白酒，Gin、Whisky同埋Cocktail等，吸引咗好多外国人帮衬。
今次点咗3-Course meal menu，有前菜、主菜同埋甜品，好丰富。
Grilled Pork Loin Chop
Waldorf Salad • Potato Pave • Pan Jus
猪扒厚切，用上黑毛猪，猪扒经过慢烤，肉质松软Juicy，火喉控制得啱啱好，配上酱汁更加惹味，猪扒肉味浓郁，近住猪肋骨侧边嘅肉带有油脂香，好有咬口。
旁边配上Potato Pave，千层马铃薯呈立体方块，焗至金黄色，口感非常酥脆，带有薯仔焦香，薯味十足。
Lamb Tagine
Couscous • Apricot • Toasted Almond • Green Olives
好有异国风情嘅一道菜，羊肉经过低温慢煮，肉质软腍，加上咖喱汁腌制，非常惹味，配上Couscous，由小麦粉制造，形状好似小米粒，用嚟配搭咖喱烤羊肉嚟食一流。另外配料有杏子、烤杏仁，青橄榄等，经过腌制嘅橄榄口感独特，香气浓郁。
Dessert
甜品杂莓慕斯蛋糕，Mousse口感软绵绵，味道酸酸甜甜，充满杂莓香，表面嘅覆盆莓味道酸涩，杂莓果酱嘅酸味同Mousse嘅乳酪甜味好夹。
Greenall's Wild Berry
Gin带有温和嘅果香，容易入口，另外加入士多啤梨同埋橙，增添果味。
Martin Miller
味道好清新，带有浓郁果香味，混合咗柑橘皮、士多啤梨同埋杜松子味道，入口好清爽。
张贴
