影片
更多
2023-09-17
310 浏览
【九龙城区】【肥仔记面家】最近多咗喺土瓜湾食饭，主要系因为港铁开通咗屯马线，真系好快就去到𠮶边。仲记得以前要去𠮶头，搭巴士兜几廿兜都仲未到，有时落车点仲未必近真正要去嘅目的地。而家起码好快去咗𠮶头先，再用脚步行要去嘅路径。讲咗咁耐都系想讲我又走咗嚟土瓜湾食嘢，本身想食另一间但佢冇位，就喺附近揾嘢食。见到呢间肥仔记面家简单、企理，就入去坐低。见到 $51 嘅「大大碗鲜制粉面」乜都有，就叫碗嚟食，面底就拣薯粉，都几顺滑几正。佢写就写有鱼皮饺、凤城水饺、黄沙猪润、雪花肥牛、台湾贡丸、墨鱼丸、黄金片头、潮州鱼蛋、木耳丝、豆卜、生菜，之但系佢啲嘢系会卖晒嘅，我𠮶碗系冇猪润、鱼蛋同墨鱼丸，我听隔离枱想叫都冇，又点会畀到我呢。咁碗嘢正正常常，乜都有得食都唔错嘅。我仲叫咗碟 $33 嘅「炸鲜虾云吞」，都唔错，系细粒𠮶只，有虾喺里面嘅。嘢饮方面我加 $9 饮「冻柠茶走甜」，都系正常茶餐厅水准，冇乜特别。埋单 $93，食咗咁多款冇咩好挑剔。。。（地址：土瓜湾土瓜湾道269号地舖）
讲咗咁耐都系想讲我又走咗嚟土瓜湾食嘢，本身想食另一间但佢冇位，就喺附近揾嘢食。见到呢间肥仔记面家简单、企理，就入去坐低。见到 $51 嘅「大大碗鲜制粉面」乜都有，就叫碗嚟食，面底就拣薯粉，都几顺滑几正。
佢写就写有鱼皮饺、凤城水饺、黄沙猪润、雪花肥牛、台湾贡丸、墨鱼丸、黄金片头、潮州鱼蛋、木耳丝、豆卜、生菜，之但系佢啲嘢系会卖晒嘅，我𠮶碗系冇猪润、鱼蛋同墨鱼丸，我听隔离枱想叫都冇，又点会畀到我呢。
咁碗嘢正正常常，乜都有得食都唔错嘅。我仲叫咗碟 $33 嘅「炸鲜虾云吞」，都唔错，系细粒𠮶只，有虾喺里面嘅。嘢饮方面我加 $9 饮「冻柠茶走甜」，都系正常茶餐厅水准，冇乜特别。埋单 $93，食咗咁多款冇咩好挑剔。。。
（地址：土瓜湾土瓜湾道269号地舖）
张贴
