陸記正宗桂林米粉

营业中

休息中

【元朗区】【陆记正宗桂林米粉】今日讲吓呢间喺元朗又新街嘅餐厅，讲之前讲少少背景，其实因为出国之前想买嘉顿杂饼送畀外国人家庭，所以走到去元朗𠮶边嘅「益街坊」舖头打算买返两盒。点知去到老细话卖晒，搞到我喺度一筹莫展，呆企喺条街度。买唔到要买嘅嘢，但系一场嚟到元朗咯，就求其食埋嘢先走啦，咁我又可以写篇嘢吖嘛。行行吓见到之前食过嘅海南鸡，又见到一堆餐厅，其中呢间标榜正宗桂林米粉嘅最吸引到我。咁我唔太肚饿，谂住就咁食碗嘢都几好。见到佢哋嘅米粉套餐，仲有分唔同类别，我睇惹味粉𠮶行，拣咗 $42 嘅「红烧东坡肉粉」，饮「冻柠茶走甜」，价钱都几抵因为我咁啱六点前入到去叫到嘢食，所以佢系计下午茶时段嘅价钱，都几好彩，好似都平咗唔少㖞。味道上桂林米粉比一般米线顺滑易入口，感觉对个胃好啲。而啲东坡肉都 okay，成碗嘢劲快食晒，所以谂住叫多样小食食吓。咁就叫咗 $56 嘅「招牌双猪」，即系净食嘅「秘制锅烧肉」拼「首创卤猪颈肉」，讲到系招牌菜。一上菜就知出事，劲大碟好多肉，咬落烧肉度索索声劲脆口，猪肉味又香。猪颈肉亦都好正，滑得嚟同啲汁又夹。呢碟嘢，可以话系畀到极大嘅惊喜我。仲要咁样食到顶住个肚走，夹埋都只系