影片
更多
2022-10-07
615 浏览
有日见到同事Story食Omakase，见卖相都相当吸引就问下系边间，同事就推介左呢间位于元朗嘅鮨无双，睇埋价钱之后即日就上网预订座位。记得当日天气都相当热，而餐厅营业时间为12点，系11点45分左右出面都已经陆陆续续开始多人，同街基本上都系卖车零件及修理车辆的商铺，选址方面有失分数。内部环境值得一提嘅位系每个座位都可以一览佢嘅厨房，而整个厨房都非常整洁，刀具同碗碟摆放整齐，调味料器皿亦充满日本特色。———————————————🌟Premium Lunch Course: $620/ ppl (exclude 10% service charge)Appetizer 前菜Steamed Egg Custard 茶豌蒸Sashimi 4 Kinds 刺身4款Sushi 8 Pieces 手握寿司8款Mini Rice Bowl 三色丼Soup 面豉汤Dessert 甜品.🌟黑松露松叶蟹茶碗蒸呢个茶豌蒸材料比例做得非常好，口感非常嫩滑几乎有入口即溶嘅感觉。黑松露味道唔重但香味浓烈，上菜时就已经闻到阵阵黑松露香，再衬托返松叶蟹嘅味道，真系人生中可以称之数一数二嘅茶碗蒸。.🌟甜虾寿司锅巴呢个
———————————————
🌟Premium Lunch Course: $620/ ppl (exclude 10% service charge)
Appetizer 前菜
Steamed Egg Custard 茶豌蒸
Sashimi 4 Kinds 刺身4款
Sushi 8 Pieces 手握寿司8款
Mini Rice Bowl 三色丼
Soup 面豉汤
Dessert 甜品
.
🌟黑松露松叶蟹茶碗蒸
呢个茶豌蒸材料比例做得非常好，口感非常嫩滑几乎有入口即溶嘅感觉。黑松露味道唔重但香味浓烈，上菜时就已经闻到阵阵黑松露香，再衬托返松叶蟹嘅味道，真系人生中可以称之数一数二嘅茶碗蒸。
.
🌟甜虾寿司锅巴
呢个系唯一一件与众不同嘅寿司，以锅巴代替寿司饭，非常有创意！锅巴入口非常香脆，同时配合鲜甜细腻嘅甜虾，令人味觉为之一振。
.
🌟海胆三文鱼子丼饭
师傅首先以鱼油捞饭，再加上厚厚嘅一层海胆同一大羹三文鱼子，最后再以紫苏花点缀。整个丼饭卖相本身已经非常吸引，入口非常香口，完全唔觉油腻。海胆同三文鱼子份量亦都好足，每一啖都有大大嘅满足感。师傅于制饭前会询问需唔需要少饭，非常贴心。
.
🌟自家制开心果雪糕
呢间嘅开心果雪糕令人非常有惊喜，甜度调得啱啱好，食完成餐再食雪糕都唔会觉得腻。之前都有食过专营雪糕铺嘅开心果雪糕，虽然咬到果粒但亦保留左开心果本身嘅微苦味。相反鮨无双嘅虽然唔系好咬到果粒，但整个开心果味道浓厚，感觉比雪糕店更胜一筹。
.
🔶整体评价🔶
食材非常新鲜，大多剌身及寿司都入口即溶，多数以柠檬、青柠皮、酱汁及紫苏花调制味道。服务亦做得非常周到，会考虑食客食量，添茶速度快，见到我前菜食完仲会自动帮我添。价钱以Omakase嚟讲真系非常抵食，唯一嘅小缺点只系地点问题，作为Chiller嘅我亦打算于下一季再次光顾尝试其他菜式，私心极力推介比大家，记得要预先上网落订金提前订座！
.
🔸味道：10/10
🔸环境：7/10
🔸服务：8/10
🔸打卡指数：8/10
———————————————
🍽️鮨无双 SUSHI MUSOU
📍元朗建德街35-55号时景花园地下9号舖
Shop 9, G/F, Cher King Garden, 35-55 Kin Tak Street, Yuen Long
🚘泊车小贴士：光记停车场 ($20/hr)，步行至餐厅只需2分钟。
———————————————
👉🏻#hkchiller美食地图_元朗
👉🏻#hkchiller午餐推介
👉🏻#hkchiller_Omakase
张贴
