成發咖啡餅店

营业中

休息中

【北区】【成发咖啡饼店】每一次去上水嘅感觉都好似返咗大陆咁，不过有时如果想买啲大陆嘢嘅话，去𠮶度睇吓就真系会有收获。都系𠮶样嘢啦，去得一个地方嘅，就梗系去𠮶头食埋嘢。我见到呢间旧式茶餐厅，即刻 bling bling 眼，即刻冲入去食嘢。用到个冲字一啲都冇夸张，因为当时唔止系下午茶时段就嚟完，而且距离佢哋收舖时间都不远矣，吖佢哋好似唔做晚市咁㖞。唔紧要啦，就叫佢哋嘅精选下午茶餐，我叫咗 $33 嘅「牛油多士配火腿奄列」，系呀，就系呢份。感觉呢个组合争个主食就系一个常餐喇，几有趣。味道上块油多几好食，牛油味劲香。而个奄列过熟，落咗红汁有啲画蛇添足，因为我唔中意红汁。而个下午茶嘅嘢饮我饮「热奶茶」，果然系老牌茶记，系好有水准，好好饮嘅。除咗茶记本身嘅嘢食之外，佢哋仲有粉面，不过我就唔想食面，就叫碗 $42 嘅「净云呑」嚟食。啲味道就正正常常冇乜特别，有七粒，唔需要特登去食。最后埋单价系 $75，食到后尾已经撞正佢哋收舖，都估唔到佢哋收六点咁早。。。（地址：上水新康街24号地舖）#1amfoodie #hkig #foodiehkgirl #hk #hongkong #topcitybite