森港客家菜

营业中

休息中

【北区】【森港客家菜】呢十几年间第 n 次食呢间嘢，记得第一次听呢个名𠮶阵，完全唔会觉得呢间嘢原来系玩任食边炉嘅。之前好似都系食鸡煲、醉鸡锅等等，畀我嘅印象都系平靓正。今次都系同事真正哥苦苦哀求我，我先肯走到入嚟陪佢食。唔想去嘅原因有几个，首先系我想食好啲，本身有谂过食牛角。其次系𠮶排我会有几日去联和墟𠮶头，唔想喺有得拣嘅情况都去𠮶头食嘢。第三系远，𠮶度系一个我要特登去嘅地方，我唔怕远唔代表我就要特登揾间远嘅餐厅。不过真正哥话冇钱，想食平啲，又想任饮任食，而佢又住北区，咁我又真系冇乜边度可以提供出嚟满足佢㖞。咁冇晒办法之下就去啦，叫个 $158 嘅「惹味牛杂煲」嚟打吓边炉都过瘾嘅。啲牛杂系几多，同埋几肥美，唔错。火锅料同饮品系任饮任食，将价就货就唔好太讲质素，问老细可以攞鲜虾食，几好。咁我唔食虾唯有捕住啲鹅肠，不过手快有手慢冇。呢餐饭最好笑系，我哋一去到自己张枱，发现隔离枱班阿叔好熟口面，全部都系同事，笑咗。。。（地址：粉岭联和墟街市熟食中心2楼6号舖）#1amfoodie #hkig #foodiehkgirl #hk #hongkong #topcitybiteshk #hkeat