米角

营业中

休息中

朋友尖东返工带左我去H Zentre间谷辰食Lunch，日式超巿入面占左三分一系轻食区，有卖便当饭团专区，同卖沙律bar同咖啡既专区，自助形式，购买食物后再坐低系resting area食，有数个座位方便即场享用。竹荀黑胡麻糖芯蛋饭团 $34～饭团有惊喜，用嘅系日本产珍珠米，特别粘口同耐嚼，每一粒饭都捞咗日式甜酱油，芝麻同竹笋碎，好入味。撕开包装纸见到本身已经有一张海苔包住饭团，另外店员仲俾多左一张新鲜海苔我，佢话咁样会脆啲。原只嘅糖芯蛋都好高质，蛋浆好浓，熟度控制得非常好。柚子酱油烧豚肉海苔五谷便当 $68～即叫即制，饭底系用五谷米沟日本产珍珠米，有五谷香味口感之余又食到日本米果种软熟粘口，份量很足够，仲有两片海苔伴饭。厚切叉烧有三大块，肥瘦分明有肉汁，用火枪加热后带焦香，配埋酸甜嘅柚子酱，唔会肥腻，几好食。配菜仲有时令野菜-辣荳芽，日式渍物-腌萝卜，同我最爱嘅糖芯蛋半只，加$10仲可以配味噌汤。