影片
更多
2021-04-18
161 浏览
虽然成日笑啲媒体用隐世呢个字，但系今次呢间餐厅绝对受之无愧，甚至可以话我一直都唔知道原来呢幢大厦有地库之余仲有间咁大嘅餐厅。之前讲起印尼菜，我一直都只系会谂到印尼捞面。所以今次谂住试新野，睇吓印尼赛仲有啲咩嘢食，就比我揾到铜锣湾呢一间喺印尼小食店楼下嘅餐厅。首先叫嘅系巴东牛肉杂锦饭，一碟饭有齐晒前菜虾片、主食巴东牛肉、蔬菜萝卜同四季豆、配菜豆卜等等，绝对抵食。最特别嘅位系，巴东牛肉本身有一种辣（一食落口即刻感受到嘅辣味），而几款配菜亦各自有不同层次嘅辣，好似食落去甜甜地然后慢慢越嚟越辣，或者少少麻辣嘅感觉等等，用唔同嘅方法去刺激味蕾。再嚟叫咗个印尼酥炸豆腐，因为我同朋友都好钟意食豆腐，所以叫咗呢个做小食。炸得来豆腐又唔会太油腻，同时餐厅非常照顾无辣不欢朋友，亦都附上辣酱。然后神奇嘅事就发生啦，成本Menu有一版零零舍舍冇中英文翻译，只有印尼文，但系又大大只龙虾后面包住啲嘢，令到我同朋友都非常好奇。问到侍应嘅时候，先知道原来系印尼牛丸，不过逢星期日就会俾人清晒货非常受欢迎。本身谂住龙虾头应该系gimmick，应该只系得个头，点知嚟到嘅时候非常惊喜，佢基本上系原只龙虾，后面再包住著名嘅印尼
之前讲起印尼菜，我一直都只系会谂到印尼捞面。所以今次谂住试新野，睇吓印尼赛仲有啲咩嘢食，就比我揾到铜锣湾呢一间喺印尼小食店楼下嘅餐厅。
巴东牛肉杂锦饭
11 浏览
0 赞好
0 留言
首先叫嘅系巴东牛肉杂锦饭，一碟饭有齐晒前菜虾片、主食巴东牛肉、蔬菜萝卜同四季豆、配菜豆卜等等，绝对抵食。最特别嘅位系，巴东牛肉本身有一种辣（一食落口即刻感受到嘅辣味），而几款配菜亦各自有不同层次嘅辣，好似食落去甜甜地然后慢慢越嚟越辣，或者少少麻辣嘅感觉等等，用唔同嘅方法去刺激味蕾。
印尼酥炸豆腐
8 浏览
0 赞好
0 留言
再嚟叫咗个印尼酥炸豆腐，因为我同朋友都好钟意食豆腐，所以叫咗呢个做小食。炸得来豆腐又唔会太油腻，同时餐厅非常照顾无辣不欢朋友，亦都附上辣酱。
然后神奇嘅事就发生啦，成本Menu有一版零零舍舍冇中英文翻译，只有印尼文，但系又大大只龙虾后面包住啲嘢，令到我同朋友都非常好奇。问到侍应嘅时候，先知道原来系印尼牛丸，不过逢星期日就会俾人清晒货非常受欢迎。
本身谂住龙虾头应该系gimmick，应该只系得个头，点知嚟到嘅时候非常惊喜，佢基本上系原只龙虾，后面再包住著名嘅印尼牛丸。
龙虾印尼牛丸面
36 浏览
0 赞好
0 留言
龙虾本身啖啖肉之余牛丸亦有浓浓嘅牛肉味，再配合埋公仔面底，绝对系一个令人满足嘅晚餐。
如果钟意食辣亦都可以加上辣酱，令到成碗面再香啲惹味啲。
通菜
12 浏览
0 赞好
0 留言
最后叫咗一碟通菜，系成餐唯一唔辣嘅菜式。虽然普通，但系都炒得好好，通菜稔晒之余又唔会炒得太老。
椰青
11 浏览
0 赞好
0 留言
成晚咁多辣野，当然要叫啲冻嘢饮舒缓下啦。朋友就叫咗个椰青，鲜甜得来最后又可以食下椰子肉。
蜜瓜丝冰
6 浏览
0 赞好
0 留言
我就叫咗个蜜瓜丝冰，甜甜记得嚟又真蜜瓜肉。
张贴
