影片
更多
2023-10-20
35 浏览
今次有野做过咗嚟土瓜湾，谂住是但食个饭都比我遇到一间好唔错嘅小菜，决定要推荐俾大家。———————————————🌟椒盐九肚鱼 $88呢个小菜一直以来都系我嘅最爱，呢几个月问过好多间都冇得食，估唔到竟然可以俾我喺呢间餐厅食到。面头有椒盐同埋炸蒜调味，外皮非常之薄而且好香脆。入面嘅鱼相当之滑，甚至有种好绵绵嘅口感，非常高质。.🌟木桶蒸鸡半只 $128木桶鸡其实都几适合打卡，个摆盘都有用心。半只鸡切出嚟都算多，每一嚿都腌得好入味，咸咸地又有少少麻油香嘅感觉。鸡肉本身好滑身，而且一啲都唔肥唔会有好厚嘅鸡皮。除咗鸡肉外，木桶入面仲有菇同木耳做配料。.🌟菜心炒腊味 $98芥兰冇晒所以我哋转咗做菜心，菜心本身好翠绿，炒得啱啱好仲几爽口。腊味方面都几丰富，有腊肠、润肠同腊肉，全部都好香，菜心完全系吸收晒日月精华非常惹味。.🔸整体评价🔸呢间餐厅随便叫几个小菜都好好食，我见佢本身仲有好多呢啲类似水煮鱼烤鱼等等嘅菜式，下次再过嚟应该就会试吓叫啲特色川菜，大家住附近嘅都不妨过嚟试吓！
今次有野做过咗嚟土瓜湾，谂住是但食个饭都比我遇到一间好唔错嘅小菜，决定要推荐俾大家。
———————————————
🌟椒盐九肚鱼 $88
呢个小菜一直以来都系我嘅最爱，呢几个月问过好多间都冇得食，估唔到竟然可以俾我喺呢间餐厅食到。面头有椒盐同埋炸蒜调味，外皮非常之薄而且好香脆。入面嘅鱼相当之滑，甚至有种好绵绵嘅口感，非常高质。
.
🌟木桶蒸鸡半只 $128
木桶鸡其实都几适合打卡，个摆盘都有用心。半只鸡切出嚟都算多，每一嚿都腌得好入味，咸咸地又有少少麻油香嘅感觉。鸡肉本身好滑身，而且一啲都唔肥唔会有好厚嘅鸡皮。除咗鸡肉外，木桶入面仲有菇同木耳做配料。
.
🌟菜心炒腊味 $98
芥兰冇晒所以我哋转咗做菜心，菜心本身好翠绿，炒得啱啱好仲几爽口。腊味方面都几丰富，有腊肠、润肠同腊肉，全部都好香，菜心完全系吸收晒日月精华非常惹味。
.
🔸整体评价🔸
呢间餐厅随便叫几个小菜都好好食，我见佢本身仲有好多呢啲类似水煮鱼烤鱼等等嘅菜式，下次再过嚟应该就会试吓叫啲特色川菜，大家住附近嘅都不妨过嚟试吓！
张贴
