齊柏林熱狗店 (翠怡花園)

营业中

休息中

【大埔区】【齐柏林热狗店】呢一餐其实已经食咗一段时间，不过𠮶时都系六点堂食限聚令。以一个「未来人」嘅角度去睇返当时嘅防疫政策，感觉几个月前病毒仲未变种时系好过而家。不过，其实个政策冇乜分别，仲多咗人打针，反而而家搞成咁。食呢餐𠮶时系喺大埔，啱啱喺大埔运动场睇完菁英杯晋峰三比三打和标准流浪嘅赛事，标准流浪巴辛吐口水导致曾仲楠报复被逐𠮶场。又用返未来人角度，𠮶时系好痴线，赶去睇波、食嘢、返工，而家望返转头就觉得值得。喺睇完波同返工嘅时空夹缝之间，我仲有几个字嘅空间食嘢，呢间热狗店当然系我最好嘅选择。据我所知大埔好似唔止一间齐柏林，所以我都会标示返系大埔区里面近太和翠怡花园𠮶间分店。努力改善紧个做法，欢迎畀意见。讲咗咁耐都未入正题一阵又跌晒啲 like 落街，入到去谂食乜时见到宣传 poster 讲呢个「士林原味热狗」套餐，多口问句系咪新出，店员回应出咗一段时间，好，未食过就当新啦。咁就叫一个嚟试吓，慢慢等佢上菜。上菜前睇佢嘅成份有「茄汁、黄芥末、酸瓜酱、烧烤汁、芝士粉、匈牙利肠」，都大概估到系点嘅味。嚟到之后见到果然系咁，就系偏浓味，不过食热狗本来都避免唔到重口味酱汁，最重要系佢又真系几好