影片
更多
2024-09-04
3555 浏览
陈仪兴饭店一直都好多人食，每次食都要出面等位，今次都唔例外，去到已经见到出面有唔少人等紧位。呢间餐厅以潮州菜为主打，真系有超多款式选择，由海鲜到各种肉类都有好多选择。———————————————🌟椒盐鳝球 $198呢款椒盐鳝球真系香脆得黎又入味，外皮炸到金黄香脆，一啲都唔油腻，内里嘅鳝肉仲保持住嫩滑同鲜味，骨亦都唔多咬落去啖啖肉咁，每一啖都食得出鳝球嘅弹牙口感。配合椒盐嘅轻微辣味，食落更加惹味。🌟卤水鹅片 $168呢道卤水鹅片系陈仪兴嘅招牌菜，黎到一定要试。鹅片浸满咗浓郁嘅卤水汁，鹅肉嫩滑多汁，皮嘅部分仲带有少少胶质感，食落口感丰富。每片鹅肉都切得刚刚好，唔会太厚或者太薄，真系一口满足。🌟潮式金不换鱼露蛏子 $78/只呢道蛏子应该都系可遇不可求唔系日日有，每只蛏子都系大大只，真系超肥美又鲜甜。鱼露嘅咸香同金不换嘅独特香气完美融合，令到蛏子更加鲜味十足。我见其他食客仲可以用其他煮法，大家都可以先询问有咩做法再决定，但咁靓嘅蛏子真系点整都咁好味。🌟剁椒蒸家鸡 $95剁椒蒸家鸡系一道非常有层次嘅菜式，剁椒嘅辣味渗入咗鸡肉入面，令到每一口鸡肉都又香又辣，而且鸡肉嫩滑，完全冇干柴嘅感觉。呢道菜
陈仪兴饭店一直都好多人食，每次食都要出面等位，今次都唔例外，去到已经见到出面有唔少人等紧位。呢间餐厅以潮州菜为主打，真系有超多款式选择，由海鲜到各种肉类都有好多选择。
———————————————
🌟椒盐鳝球 $198
呢款椒盐鳝球真系香脆得黎又入味，外皮炸到金黄香脆，一啲都唔油腻，内里嘅鳝肉仲保持住嫩滑同鲜味，骨亦都唔多咬落去啖啖肉咁，每一啖都食得出鳝球嘅弹牙口感。配合椒盐嘅轻微辣味，食落更加惹味。
🌟卤水鹅片 $168
呢道卤水鹅片系陈仪兴嘅招牌菜，黎到一定要试。鹅片浸满咗浓郁嘅卤水汁，鹅肉嫩滑多汁，皮嘅部分仲带有少少胶质感，食落口感丰富。每片鹅肉都切得刚刚好，唔会太厚或者太薄，真系一口满足。
🌟潮式金不换鱼露蛏子 $78/只
呢道蛏子应该都系可遇不可求唔系日日有，每只蛏子都系大大只，真系超肥美又鲜甜。鱼露嘅咸香同金不换嘅独特香气完美融合，令到蛏子更加鲜味十足。我见其他食客仲可以用其他煮法，大家都可以先询问有咩做法再决定，但咁靓嘅蛏子真系点整都咁好味。
🌟剁椒蒸家鸡 $95
剁椒蒸家鸡系一道非常有层次嘅菜式，剁椒嘅辣味渗入咗鸡肉入面，令到每一口鸡肉都又香又辣，而且鸡肉嫩滑，完全冇干柴嘅感觉。呢道菜啱哂钟意食辣嘅朋友。
🌟姜汁炒芥兰 $78
呢道姜汁炒芥兰真系又简单又出色，芥兰炒得非常翠绿，口感爽脆，而且份量足够，够晒两三个人分享。姜汁嘅香味同芥兰嘅清新味道相得益彰，清淡之余又唔失味道。
🌟脆皮落汤钱 $88
最后甜品时间嚟到潮州传统甜品——脆皮落汤钱。呢款甜品系将糯米糍煎到外脆内软，然后再沾上花生、椰丝同糖碎，入口香甜又有嚼劲，我最钟意就系果种有少少似饭焦嘅外皮，成个食真系好有层次感。
张贴
