影片
更多
2024-06-30
318 浏览
小编今日到尖沙咀，发觉有间川菜馆 @the_fly_place 搞紧个超抵优惠。如果早一日订烤鱼／火锅锅底嘅话竟然半价！生日月份嚟，亦有88折仲送糖水。如果唔想食烤鱼，亦可以食冒菜！🐟冒菜系起源于四川成都嘅菜式，即系将唔同嘅𩠌煮熟，再放入特别调配嘅汤。依家生日月份嚟，食冒菜送糖水，正日嚟二人以上，一碗免费！😨真系要bookmark 定，计划下生日去食到最尽、食到最抵！😉➡️ 藤椒汤(六款𩠌＋主食) $58 🌶️藤椒汤系唔辣嘅，但有藤椒嘅麻香，食食下会feel 到个嘴唇麻晒，好鬼过瘾。配菜叫咗生菜、芽菜、风琴豆腐、羊肉、腩肉、四川腊肠配火锅宽面。特别推荐火腩肉同四川腊肠，平时啲腩肉白烚又干，呢度肥瘦相间，油脂同软腍度啱啱好；四川腊肠比较少见，比较短同幼，味道都差唔多，但油脂明显多啲，咬落去会油脂爆发。火锅宽面其实即系酸菜鱼会加嘅宽薯粉，又阔又烟靭，口感好好。味道：7.7/10➡️ 麻辣汤(六款𩠌＋主食) $58 🥵虽然嗌咗BB辣，不过汤底都好浓麻辣味，香麻辛辣齐晒。呢个价钱食到呢个质素，已经好满足。配菜叫咗鸭血、响铃、豆卜、鸡翼、肥牛，配火锅面，火锅面面质比公仔面烟靭同宽。个人推荐拣选比较索汤
小编今日到尖沙咀，发觉有间川菜馆 @the_fly_place 搞紧个超抵优惠。如果早一日订烤鱼／火锅锅底嘅话竟然半价！生日月份嚟，亦有88折仲送糖水。如果唔想食烤鱼，亦可以食冒菜！🐟
冒菜系起源于四川成都嘅菜式，即系将唔同嘅𩠌煮熟，再放入特别调配嘅汤。依家生日月份嚟，食冒菜送糖水，正日嚟二人以上，一碗免费！😨
真系要bookmark 定，计划下生日去食到最尽、食到最抵！😉
➡️ 藤椒汤(六款𩠌＋主食) $58 🌶️
藤椒汤系唔辣嘅，但有藤椒嘅麻香，食食下会feel 到个嘴唇麻晒，好鬼过瘾。配菜叫咗生菜、芽菜、风琴豆腐、羊肉、腩肉、四川腊肠配火锅宽面。特别推荐火腩肉同四川腊肠，平时啲腩肉白烚又干，呢度肥瘦相间，油脂同软腍度啱啱好；四川腊肠比较少见，比较短同幼，味道都差唔多，但油脂明显多啲，咬落去会油脂爆发。火锅宽面其实即系酸菜鱼会加嘅宽薯粉，又阔又烟靭，口感好好。
味道：7.7/10
➡️ 麻辣汤(六款𩠌＋主食) $58 🥵
虽然嗌咗BB辣，不过汤底都好浓麻辣味，香麻辛辣齐晒。呢个价钱食到呢个质素，已经好满足。配菜叫咗鸭血、响铃、豆卜、鸡翼、肥牛，配火锅面，火锅面面质比公仔面烟靭同宽。个人推荐拣选比较索汤嘅配料，例如豆卜同埋响铃食落去啖啖麻辣咇出嚟好过瘾。
味道：7.8/10
➡️ 爆酱红糖糍粑$26 💥💥💥
实不相瞒，呢个系小编中菜入面数一数二钟意嘅小食／甜品。$26咁多嚿，小编已经想俾高分。佢嘅味道亦唔差，新鲜炸起，热辣辣脆卜卜，入面糍粑亦好烟靭，最重要系啲红糖真系爆出嚟，差啲热死小编。
味道：8.6/10
➡️ 蒜泥白肉$24 🐖
唔知系咪食开某哥米线啲蒜泥白肉，觉得蒜泥白肉就系蒜加辣油，冇乜特别。但呢间啲蒜泥白肉真系好惹味，海量蒜蓉之外，酱油、辣味同麻香都好劲。就咁食可能会觉太重口味，但配面又啱啱好。
味道：8.4/10
➡️ 糖水（生日月份免费／配餐加$15起／单点＄20）
1. 奶盖红糖桃胶（＋$20）🥛
2. 茉莉蜂蜜冰粉（＋$15）🍯
呢到嘅糖水都几有特色，有桃胶、冰粉呢啲选择，而且可以加奶盖同唔同糖浆。桃胶口感好顺滑，红糖份量适中，唔会太甜。奶盖偏重奶味，唔系cream cheese 𠮶种。而另一个冰粉，佢本身冇乜味，全靠蜂蜜carry。但小编好钟意佢全透明，晶凝通透，底下再加啲花干蜂蜜，好靓好疗愈。
1. 味道：8/10
2. 味道：7.8/10
➡️ 饮品（特别调配系列配餐加$20起／单点＄28）（鲜果系列配餐＋$16， 单点$20）
1. 桂花寒天绿茶（加奶盖） （＋$25）🧋
2. 西瓜鲜果茶 （＋$16）🍉
都估唔到呢度竟然有手摇饮，而且唔系一般行货，除咗普通黑糖珍珠鲜奶、果味绿茶，仲有特别配料，例如冰粉、桃胶、雪燕拣，甚至可以加奶盖，中菜馆嚟讲真系几多元化！另外亦有新鲜水果茶选择，例如西瓜鲜果茶，有好清新嘅西瓜果香🍉，里面仲有柠檬，唔会太甜，好啱夏天饮，不过就饮唔到有其他水果味。
1. 味道：7.5/10
2. 味道：7.6/10
➡️ 抵食：8.3/10 （早一日订／生日嚟仲抵）
➡️ 服务：7.5/10
➡️ 环境：7.7/10
总评：
小编觉得呢间餐厅性价比真心几高，五十几蚊食到咁多𩠌嘅冒菜，而且味道都唔错！如果想饮啲特别饮品，或者食糖水加十几廿蚊就有，成餐即刻圆满晒～
如果咁啱生日月份或者识早啲订就唔洗讲啦，仲点够你玩。😅
乌蝇馆 (九龙中心大厦) (尖沙咀)
尖沙咀亚士厘道29-39号九龙中心大厦地下G29号舖
#hkig #hkfoodie #hkfood #hkeat #香港美食 #食评 #香港食评 #香港生活 #小红书 #香港必食 #尖沙咀 #尖沙咀美食 #红磡美食 #黄埔 #黄埔美食 #将军澳 #将军澳美食 #中菜 #川菜 #冒菜 #火锅 #粉面 #烤鱼 #麻辣 #优惠 #tsimshatsui #whampoa #sichuan #spicy #乌蝇馆
张贴
