井茶

营业中

休息中

【屯门区】【井茶】屯门好多好嘢食，不过佢哋分得太散，而且唔系个个屋苑商场有非集团嘅餐厅，有时去到都唔知去边度揾嘢食好。唔知点解呢个问题只会发生喺元屯天，明明周围都系嘢食，但系总系提唔起劲走入去食，好似样样都唔啱心水。本身喺其他区域嘅话，我嘅做法系求其掟自己去该区嘅一个地方，然后再喺𠮶个地方度努力发掘特别嘢，再写畀大家睇。因此有时会出现一啲喺某位读者嘅屋企楼下出现嘅搅笑情况，就系咁先生活化同写到贴地资讯畀大家。好似今次我系喺屯门泳池落车，行咗去丰景园𠮶边，之后又想去龙门居𠮶边，行行吓又唔知点解去咗兆禧，好似冇路拣咁嘅。最后喺悦湖山庄商场见到都几多嘢食，不过𠮶啲一系就大牌档，一系就外卖小食，唔系太过啱我。见到呢间「井茶」初初以为系啲饮工业废水嘅茶饮店，点知原来系茶餐厅嚟，咁就入去队个下午茶啦，佢分咗唔同种类嘅，我想食「深海吉列鱼柳」系列，咁就用 $42 叫个「原条吉列鱼柳」配「汉堡扒炒牛乳滑蛋」嘅套餐。啲嘢食普普通通，冇想像中咁特别，个炒滑蛋都 okay。个餐仲有「多士」半件，都系正正常常咁。反而杯「热奶茶」唔错，够香浓又幼滑，估佢唔到。有少少独市生意嘅情况之下呢个餐收 $42 唔算贵，冇