影片
更多
2023-05-04
245 浏览
【屯门区】【鲜芋仙】一直都想揾好食嘅台式甜品，例如芋圆呀，珍珠呀𠮶啲，但因为疫情关系，其实叹返个甜品嘅机会系少咗，始终都系惯咗食完晚饭饱饱哋先叼返份嚟满足「第二个胃」。而家六点就堂食收皮，唔通次次都买外卖咩，影响观感。引用我之前写完之后 Miss Ding 好中意嘅一句「大家见我出得 post 就知最后我都系去咗食」，系呀我系去咗食，而且仲喺有人排队嘅情况之下，喺下昼嘅时间照排！排咗十五分钟左右都唔算耐，同朋友吹下水就好快过。我叫咗个「芋圆6号」，我真系第一次食，都唔知食乜好，就叫个嚟试吓。有得拣冻或者热，我唔中意冰又唔中意红豆汤，笑咗，最后都系后者啦。碗嘢仲有粉条、粉粿、珍珠，成碗嘢几特别，几好食，$45 系唔差嘅价钱。朋友好中意食台式嘅冰豆花，话佢够甜够正，所以佢就叫个「冰豆花4号」，有芋头同红豆，$42 都唔贵，所以佢加 $8 要埋「地瓜」加𩠌都唔觉得乸脷。味道上，我都有偷一啖嚟食，我觉得真系唔错，几香豆味又够甜。二人合力嘅话系可以做到 1+1 大过 2 嘅效果，好似林郑月娥话斋：「Killing two stones with one bird」，所以叫多个「Q麻糬布丁拼盘」一
引用我之前写完之后 Miss Ding 好中意嘅一句「大家见我出得 post 就知最后我都系去咗食」，系呀我系去咗食，而且仲喺有人排队嘅情况之下，喺下昼嘅时间照排！排咗十五分钟左右都唔算耐，同朋友吹下水就好快过。
我叫咗个「芋圆6号」，我真系第一次食，都唔知食乜好，就叫个嚟试吓。有得拣冻或者热，我唔中意冰又唔中意红豆汤，笑咗，最后都系后者啦。碗嘢仲有粉条、粉粿、珍珠，成碗嘢几特别，几好食，$45 系唔差嘅价钱。
朋友好中意食台式嘅冰豆花，话佢够甜够正，所以佢就叫个「冰豆花4号」，有芋头同红豆，$42 都唔贵，所以佢加 $8 要埋「地瓜」加𩠌都唔觉得乸脷。味道上，我都有偷一啖嚟食，我觉得真系唔错，几香豆味又够甜。
二人合力嘅话系可以做到 1+1 大过 2 嘅效果，好似林郑月娥话斋：「Killing two stones with one bird」，所以叫多个「Q麻糬布丁拼盘」一齐食。佢有「Q麻糬」同「珍珠焦糖布丁」，布丁可以拣其他味不过𠮶吓想食呢个。
呢份嘢味道都正正常常，$38 嘅价钱不过不失。两条友食夹埋 $133 又好似重皮少少咁，不过谂谂吓其实又差唔多。呢间仲有啲分店，有机会的话我都想去其他分店食吓佢嘅其他嘢，再同大家分享，咁先系独乐乐不如众乐乐。。。
（地址：屯门屯顺街1号屯门市广场1期1楼Kiosk C）
#1amfoodie #foodie #hkfoodie #thatfoodiething #hkfood #food #1ambackup #1am0648 #foodlover #delicious #foodies #tasty #globaleats #dessert #followforfollowback #love #eat #1am屯门区 #屯门 #鲜芋仙 #meetfresh #甜品店 #屯门市广场 #芋圆6号 #冰豆花4号 #Q麻糬布丁拼盘 #Q麻糬 #珍珠焦糖布丁 #芋圆 #豆花
12 浏览
0 赞好
0 留言
张贴
