香麥田BAKERY (福康街)

营业中

休息中

有日经过一间街坊面包铺，见到啲面包都感觉唔错，就入去买嚟试下。一眼就睇呢个包，体型比较偏大，材料组合又比较复杂(黑糖麻糬+桂圆+伯爵茶)，呢个配搭令我即刻买咗去试一试。个包系伯爵茶做底，只系食个包都香气满满的! (我真系好钟意伯爵茶嘅食品)馅料有令小朋友一再回味的黑糖麻糬，香甜烟韧；面包入面仲加入少用到的桂圆，3样嘢食落去又异常融洽。因为同样系配搭比较复杂，馅料又比较多，所以我第一时间就谂到韩国嘅Tardemah。咁又当然无Tardemah咁多馅同丰富啦，但价钱只系佢1/4 ($22)，就算馅料就会分布得唔太平均，呢个价钱都可以被原谅。仲有唔少得就系芝士麻糬波，比一般的麻糬波要大只少少，而且波波个弧度仲好靓。麻糬波表皮少少脆，内里十分烟韧，再上浓浓的芝士味，十分讨好，每次去都必定要买6只先够 ($12 / 3只)。