影片
更多
2021-08-02
83 浏览
做埋呢个7月（注：2021）就唔再续租嘅小糖钮 ，一直都以特色创意甜品闻名。饼厨曾经于文华半岛呢两名牌五星级酒店饼房任职，相信非常有实力保证！听闻老细话之后想休息，无计划再开餐厅，听到咁真系要拿拿声去食，第时唔知仲有无机会食😭入到餐厅，眼睛瞬间被店铺内缤纷嘅装潢吸引，艺术气息相当浓厚！🎨墙壁上挂满色彩斑斓嘅油画，仲有好多七彩钮做装饰，感觉好似入咗一间糖果屋🍬我地一行二人假日黎到餐厅晚膳，见到餐厅入座率近九成，幸运地冇订位都有枱🍀值得留意嘅系，餐厅唔收开瓶费，顾客可以自携酒类饮品上去饮用。眼见隔离枱上有五支红酒做紧Blind Wine Tasting🍾，非常之Chill啊！讲咗咁耐终于到主角甜品...等等先！其实呢度除咗甜品，其实同普通西餐厅一样，有前菜、主菜叫架！我地一共叫咗两份小食、一个主菜、一份甜品特选拼盘同一杯饮品。 [🔻所有餐点均需另收加一服务费]———————————————————————🍽️小食🔸芝士脆米棒棒鸡 （$79）+ 紫菜烟肉蚝卷 （$25/pc，2只起）手指般长度嘅鸡棒肉质结实，食得出系合成鸡肉，因为食到里面有软骨碎。但调味无味精感，食到鸡肉自然味道，加上一啲都唔
饼厨曾经于文华半岛呢两名牌五星级酒店饼房任职，相信非常有实力保证！
听闻老细话之后想休息，无计划再开餐厅，听到咁真系要拿拿声去食，第时唔知仲有无机会食😭
入到餐厅，眼睛瞬间被店铺内缤纷嘅装潢吸引，艺术气息相当浓厚！🎨墙壁上挂满色彩斑斓嘅油画，仲有好多七彩钮做装饰，感觉好似入咗一间糖果屋🍬
我地一行二人假日黎到餐厅晚膳，见到餐厅入座率近九成，幸运地冇订位都有枱🍀
值得留意嘅系，餐厅唔收开瓶费，顾客可以自携酒类饮品上去饮用。
眼见隔离枱上有五支红酒做紧Blind Wine Tasting🍾，非常之Chill啊！
讲咗咁耐终于到主角甜品...等等先！其实呢度除咗甜品，其实同普通西餐厅一样，有前菜、主菜叫架！我地一共叫咗两份小食、一个主菜、一份甜品特选拼盘同一杯饮品。 [🔻所有餐点均需另收加一服务费]
———————————————————————
🍽️小食
🔸芝士脆米棒棒鸡 （$79）+ 紫菜烟肉蚝卷 （$25/pc，2只起）
手指般长度嘅鸡棒肉质结实，食得出系合成鸡肉，因为食到里面有软骨碎。但调味无味精感，食到鸡肉自然味道，加上一啲都唔肥腻，好似健康版嘅麦乐鸡。可惜上面块半溶芝士味道不如想象浓，洒喺上面嘅脆米亦唔系特别香脆，整体味道唔算惊艳。
蚝卷好似好少见于是叫个试试
烟熏味道非常浓烈，与蚝味道匹配，不过食落好似蚝豉😂
呢个系重口味之选，食完好想饮杯啤酒🍺
🍽️主菜
芝士脆米棒棒鸡& 紫菜烟肉蚝卷
$129
15 浏览
0 赞好
0 留言
无知嘅我唔知咩系猪鞍，应该系猪扒嘅其中一种（？）
上网一揾资料，原来同马鞍系friend，啫系猪嘅背部，通常连著条大骨。
呢块猪鞍一上菜，身为食肉兽嘅我真系超级兴奋！
块肉有我块脸咁大（erm 应该都唔系）应该系我一只手摊开咁大！
一刀切落去，非常厚肉又软淋！而且烧嘅火候恰到好处！
烧澳洲无激素猪鞍伴薯菜配烧汁
$189
8 浏览
0 赞好
0 留言
每一啖都有肉汁飙出黎，食到油脂香但入面绝对唔系肥膏，真系不得了！
而且成块肉腌制得非常入味😆
旁边配菜索哂肉汁、薯仔都香口唔干！
烧汁调味带有红酒香，味道浓郁惹味。
不过建议酱汁可以比多少少，可以足够点酿全部薯仔粒嘅话就更完美！
🍽️万众期待 - 甜品
4 浏览
0 赞好
0 留言
小糖钮特选拼盘
$188
1 浏览
0 赞好
0 留言
侍应一上甜品，相信个个都会Wow一声！
大碟上有5个甜品，旁边装饰亦都非常精美，摆放就如艺术品一样，根本唔想破坏佢！
侍应好详细咁解说每一款甜品嘅材料同食用嘅先后次序，应该由淡到浓逐一享用。我地一于睇下呢啲到底有咩啦！
✨柚轮 - 蜜柚芭菲拿破轮芭菲十分柔滑！柚子味道自然，配上新鲜柚子果肉非常清新！
衬上一个好有心思嘅半环形拿破轮饼，仲有一条班兰蛋白霜伴碟，香脆可口！
✨ 74%特浓朱古力软蛋糕
呢个系本人强力推荐甜品！❤️
半溶朱古力蛋糕类似心太软，但质地再湿润浓稠啲。
特浓得黎绝对唔会苦涩，完美呈现朱古力应有嘅可可香！
✨绿茶芝士冰饼。70%特浓朱古力酱
正正方方嘅系好Creamy嘅芝士饼，味道较为清淡，比较能突出绿茶粉嘅味道。
底层有一层特浓朱古力酱，味道上似10倍浓郁版M&M's
另外朱古力酱中有松脆威化，口感更加有层次。
✨橙酒啫喱。Bailey's Mousse。炖蛋
橙酒啫喱上有新鲜橙肉做陪衬，橙香怡人。
Bailey's Mousse同炖蛋十分Creamy！
✨小糖钮森林（意大利黑松露。白朱古力忌廉）
小糖钮招牌甜品之一，卖相相当可爱！
上面白色好似蘑菇嘅东西系加入黑松露嘅蛋白霜，外表干脆，入口即化，黑松露味道随之溢出。
下面有黑松露同白朱古力忌廉，
黑松露味道超级强烈，相反白朱古力忌廉主要系重奶香，唔会有市面上一啲廉价嘅白朱古力脂肪味。
呢款黑松露甜品仲加入咗好多脆身topping，口感非常有层次！
✨碟上之食用装修
碟上有焦糖脆粒、糖霜所制成嘅小糖钮、水果味酱，好似一幅画咁！睇得又食得，我仲想成只碟奶添啊！
食咗咁丰富嘅晚餐真系非常满足💖
虽然价钱上系偏贵，但可以肯定嘅系价钱同质素系成正比（不过，的确小食方面争少少）
一间有品质、有良知嘅店铺唔再做落去珍惜令人极其惋惜..
希望大家可以把握时间去惩罚呢闲餐厅！💪🏻（呢篇文都出得有点迟。。🤧）
———————————————————————
推介指数：💛💛💛💛💛
⭐ 主菜、甜品高水准之作！甜品配搭新颖、甜度正常。食物无论系用料、烹调同摆盘都绝对无欺场！店铺使用不锈钢环保饮管，值得表扬！
💰 人均消费：约$300
📌注意事项：
可能因应就黎结业，人数会倍增，光临前必先电话预约。
另外餐厅内十分应声，其他食客有机会饮大咗而声量大增，几乎要同佢哋不断斗大声。🗣️
如不能接受吵闹餐厅者，不建议前往❗
⏰用餐时间：普通餐点：1️⃣2️⃣0️⃣分钟，只享用甜品：7️⃣0️⃣分钟
📍地点：尖沙咀堪富利士道6-6A号3楼
📞电话：9704 000
张贴
