人人和平小飯店 (已結業)

【东区】【人人和平】呢间嘢听讲过好耐，亦都食过几次外卖，都觉得几好食。所以今次难得温宁哥请客，拼咗条老命都要出嚟啦。我哋一行五人，坐低冇耐就下定决心叫个 $105 嘅例牌「波澜壮阔肥腩叉」，烧到有啲焦黑色，一如以往咁好食。温宁哥叫嘢食嘅速度有进步，转个头嚟埋 $118 嘅细「砂窝鹅汁炒饭」，唔多中意食饭嘅我都觉得正。而 $169 嘅「凤梨船咕噜肉」系几次都有叫嚟食，都系唔错嘅。之后 $128 嘅半只「南乳吊烧鸡」我都好中意，尤其个酱。最后嚟埋 $88 嘅「椒丝腐乳炒通菜」，炒得都几有镬气几好食，估唔到。嘢饮方面，成班佬都系饮 $62 杯嘅「Stella」，喺具质素嘅食物面前，一杯冰冻嘅啤酒真系一个唔错嘅点缀。餐饭夹埋 $1071，多谢温宁哥慷慨请食饭。睇返之前食过外卖嘅相片，原来叫埋嘅嘢都系差唔多，好记得佢就算系外卖，经过运送过程之后，都相当有质素。即系佢唔系一味靠热度去抬起个味道，而系本身都好食，先做到呢个效果。希望可以保持水准，做人民饭堂。。。（地址：北角堡垒街 6-8 号 A 舖）#1amfoodie #hkig #foodie #hk #hongkong #hongkongfo