沙田友．丸記清湯腩王

营业中

休息中

【沙田区】【沙田友．丸记清汤腩王】喺 1am0569 𠮶阵食过一间叫「沙田友」嘅餐厅，𠮶阵话有机会要去多次，之后见佢哋围晒版好似冚咗旗咁，以为冇机会再食。点知佢哋换咗叫「沙田友．丸记清汤腩王」嚟招玉茎重生，搅到我鬼咁想试，就叫埋东尼哥去。东尼哥系人生里面其中一个知我讲紧乜嘢嘅朋友，梗系佢拣先，佢试个 $56 嘅「清汤净牛腩饭」加 $3 饮「冻咖啡」，我有偷几旧牛腩嚟食吓，系有功力，又腍又有肉味，个汤又有料，掂！我好少同东尼哥食饭，好彩冇失礼。我自己就试 $54 嘅「海南鸡饭」加 $3 饮「冻奶茶」，啲鸡够滑，个饭系「泰式鸡油饭」，正。而我哋净系食丸记个 menu 啲嘢，梗系要食埋沙田友啲嘢。试埋 $11 嘅「酥皮斑兰蛋挞」同埋 $14 嘅「半熟芝士挞」，都唔错。埋单 $141，食到每日卖一百个嘅斑兰蛋挞算好彩。而个清汤腩系澳门车仔档嘅第三代传人做，讲到「汤底清甜而无油不腻、牛腩肥瘦均匀」，我都同意。餐厅创办人阮弼壕先生 2012 年凭娘惹咖哩得到法国蓝带美食勋章，下次要试。。。（地址：沙田石门安群街3号京瑞广场1期地下G29号舖）@shatinbuddies.yuenkee#1amfo