傅師傅甜品小食

营业中

休息中

【沙田区】【傅师傅甜品小食】喺开 foodie account 嘅初期，如无意外应该写过呢一间嘢，我冇证实过，不过估计有。原因系大围都系我成长嘅其中一段轨迹，喺度读过吓书，亦都有唔少朋友喺呢头附近住。因此，我亦都有唔少嘅机会喺呢边食饭。食完饭咯，就梗系食糖水㗎啦，就系咁。然而，我第一次食呢间嘢反而系同屋企人去，屋企人睇咗𠮶啲饮食杂志，知道当时大围新开咗一间酒店甜品师傅自立门户开嘅甜品店，就系呢间「傅师傅甜品」。喺𠮶个年代仲未咁富裕，喺平民食店食到「心太软」、「钱袋蓝莓苹果酥」呢类甜品系难得嘅。由于屋企家境比较拮据，因此每一次外出饮食都印象深刻。讲咁多同餐饭无关痛痒嘅嘢，就知呢餐系同中学死党们自费食嘅一餐，亦都系「最近」嘅一次。而家年纪大咗，冇以前咁花巧，我食 $30 嘅「腐竹蛋糖水」就算，普普通通，毫无特色嘅一碗糖水咁啰。朋友们就叫咗 $40 嘅「焦糖焗蛋」同 $55 嘅「心太软」嚟食，正常水准啦，有位朋友系朱古力控当然会食「心太软」。田慈仁都喺度，佢就叫咗 $65 嘅「炸雪糕」大家一齐 share 食，同以前比较硬系争啲咁。埋单 $190，四个人食甜品，或者吹水倾偈更重要。。。（地址