米籽 (置富第一城)

营业中

休息中

【沙田区】【米籽】沙田第一城呢个地方其实都系美食沙漠嚟，我虽然住呢度，但系喺度食嘢嘅机会可以话系少之又少。话虽如此，点解我会成为一个十八区都去食嘢嘅痴线佬，或多或少都同呢种成长环境有关。有新餐厅，先会想去食一次咁。今次又系一间新餐厅，叫做「米籽」，呢个名嘅越南嘢我见过，cafe 又见过，西餐又好似有一间。行埋去睇 menu 先知原来系食米线嘅，类似台湾菜咁嘅形式。我又系下昼去嘅，就叫啲下午茶嚟食吓，一叫就叫咗两个餐。第一个系 $40 嘅「原味猪骨米汤肥牛金菇米线」配热「麦可可」，呢个系佢哋下午茶 menu 上面嘅第一道菜，喺谂唔到食乜嘅情况下，咁样拣应该系最稳阵。而个答案亦都系咁，碗嘢系唔差，但系亦都只属于正正常常。跟住我又叫咗个 $30 嘅「孜然盐酥花枝丸配孜然地瓜条」饮冻「麦可可」，嘢食有两款，价钱嚟讲算几抵食嘅。始终佢哋冷热饮品同价呢一点系几惊喜，夹埋就真系 $70 埋单。而麦可可有啲似阿华田，都几好饮，唔介意扯两杯。。。（地址：沙田银城街1-2号置富第一城地下G97-100号舖）#1amfoodie #foodie #hkfoodie #thatfoodiething #hkf