金悅軒

营业中

休息中

【沙田区】【金悦轩】呢排有机会去火炭工业区做嘢，不过而家咁叫都只系历史嘢，大家都知香港嘅工业都所余无几，喺得呢区嘅一系纯商业，一系就系物流运输，最多做啲加工或者其他 value added 嘢。不过依然系好多企业，好多人喺度返工。当然唔止本身做嘢嘅人，近年仲有附近地盘工作嘅朋友会喺呢头活动，之前有旭禾苑嘅建筑工程，到工程完成又有星凯．堤岸嘅建筑工程，可以话冇停过。多咗人喺附近做嘢，意味住食肆嘅需求都会增加，因为多咗人食嘢嘛。我咁啱过嚟做嘢都望吓自己做嘢𠮶幢有咩食啦，虽然话系「撞手神」，但我经过见到呢间经常陈列好多烧味喺度，都好吸引。我估预咗卖得出先会整咁多摆喺度，既然佢预自己会卖得出咁多，即系不嬲都好多人买，我系咁谂。所以趁下午茶时段先过去食嘢，整个「至尊烧味下午茶」叹吓，一场嚟到梗系双拼，我拣咗「烧肉」同「烧鸭」配「米粉」，清清哋又好邪恶咁。不出所料，啲烧味整得都 okay，难怪我两点几入到去都见到几乎每张枱都有人。个餐有饮品，叫杯「冻柠茶」走甜，好似清清油腻感咁，冇乜特别。个餐最后埋单 $48，唔差呀，谂唔到食乜𠮶阵去啪个烧味都几好。不过后尾睇返有读者提过我，有另外一间个名差唔多嘅