元朗合隆潮州粉麵 (新文華中心)

营业中

休息中

【油尖旺区】【元朗合隆潮州粉面】好耐冇写过 1am红馆 系列，一部份原因系想顾及返其他区域嘅需要，另一部份原因系之前红馆𠮶头嘅餐厅食肆好似都已经稳定咗，再重写好似有啲 over 咗。不过经过武汉肺炎之后，又好似洗过吓牌，我又可以写吓佢哋喇㖞。而转舖转得最快嘅其中一度梗系新文华中心，呢几年嚟都见证佢嘅转变。而呢间「元朗合隆潮州粉面」插旗，我点都会去会一会佢。叫咗碗 $58 嘅「猪什猪油捞」，有猪杂食系过瘾，不过个捞面平庸咗啲，冇乜特别咁啰。我仲加 $15 要多「鲜牛脷」呢个𩠌，佢放埋喺个汤入面，够湿润，几好食嘅牛舌嚟。面对呢个白胡椒汤底，点都要叫嘢饮，我叫咗 $12 嘅「金银菊花茶」，枝装，好似系自制嘅，唔错。夹埋 $85 亦都唔贵，促成咗我再食一次。碗 $55 嘅「花雕鲜醉鸡面」我系要油面，还好啦我觉得。再用 $48 叫特色小食「胡椒芫荽汤牛肉饼」，其实好似普通牛丸呀牛筋丸呀𠮶啲打成一块块咁，okay 啦。饮 $12 嘅枝装「香滑豆浆」，可以，今次食咗 $115 就好似小贵。。。（地址：尖沙咀科学馆道14号新文华中心地下10-11号舖）#1amfoodie #foodie #hkfoo